بوگون «یکشنبه» کابل‌ده سریقلیک کسل‌لیگی گه قرشی کوره‌ش خلق ارا کونیدن نشانلش مراسم‌ده ساغلیق‌نی سقلش وزیری فیروزالدین فیروزنینگ ایتیشیچه، افغانستانده چمه‌سی 22 مینگ کیشی «بی» تورلی سریقلیک کسل‌لیگی و باشقه 8 مینگ کیشی «سی» تورلی سریقلیک کسل‌لیگی‌گه چالینگن.
جناب فیروزنینگ آگاه‌لنتیریشیچه، سریقلیک کسل‌لیگی نینگ آلدی جدی شکلده آلینمه‌گن صورتده، کیله‌جک ده افغانستان بویلب کته بیر قیین‌چیلیک‌که اوزگریشی ممکن.
شونینگدیک، سریقلیک کسل‌لیگی گه قرشی کوره‌ش خلق ارا کونیدن نشانلش مراسم‌ده خلق ارا ساغلیق‌نی سقلش تشکیلاتی نماینده‌سی داکتر فتاح نینگ ایتیشیچه، افغانستانده اوتکزیلگن سونگی تدقیقات اساسیده، جمعیت دن 2.7% «بی» سریقلیک ویروسی و 1% «سی» سریقلیک ویروسی گه چالینگن.
اونگه کوره، دنیا بویلب 325 میلیون انسان بی و سی سریقلیک ویروسی گه چالینگن و ییل‌ده 1.4 میلیون کیشی اوشبو کسل‌لیک باعث، هلاک بوله‌دی.
سریقلیک شایع کسل‌‌لردن بیری دیر و کوپلب سورنج آرقه‌لی انتقال تاپه‌دی.
