امنیتی منبعلردن بیرینینگ کیملیگی سیرقالیشنی ایستهب سلاموطندارگه ایتیشیچه، طالبان گروهی جوزجان-بلخ قتناو یولیدن نیچه نفت تاشیووچی موترنی اوغیرلب و هر بیر لیتر تیلنی 30 افغانی اهالیگه ساتگن.
اوشبو منبعنینگ کوپهیتیریشیچه، طالبان گروهی حاضرگهقدر 8 نفت تاشیووچی موتر و 2 یوک تاشیووچی موترنی اوغیرلگن.
جوزجان ولایتی کینگش اعضالری و یشاوچیلریدن بیرقطارینینگ ایتیشیچه، طالبان گروهی سونگی کونلرده، نیچه نفت تاشیووچی موترنی اوغیرلب و تیللرینی اهالیگه ساتگن.
اولرنینگ ایتیشیچه، حکومت بو توغریده دقت قیلمهگن صورتده، بو حرکت افغانستان اقتصادیگه زیان ییتیشتیریب و سوداگرلرنینگ سرمایه یاتقیزیشدن قول تارتیشلریگه سبب بولهدی.
شوتوغریده…
- سانچارک؛ طالبان گروهی دولتی ییرلرنی اهالی گه زورغه ساتهدی
طالبان گروهی تاشکومیر موترلرینی 50 دن آرتیق هیداوچیسینی اوغیرلگن
جوزجان-بلخ قتناو یولیده نفت تاشیووچی موترلر هیداوچیلریدن بیرقطارینینگ ایتیشیچه، امنیتی وضعیت یمان بولگنی و باج آلیش اولرنی خواطرلنتیرگن دیر.
جوزجان حاکمینی سوزلاوچیسی فریدون انیق نینگ ایتیشیچه، طالبان گروهی شرکتلردن باج آلیش و قتناو یولده حضورلری بارلیگینی اثباتلش اوچون بو ایشلرنی انجام بیرهدیلر.
عینحالده، طالبان سوزلاوچیلریدن بیری ذبیحالله مجاهد، بو توغریده تحقیقاتلر باشلنگنیدن خبر بیرگن.
