افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروس گه شبهه‌لی 11 یوز دن آرتیق کیشی دن آلینگن نمونه سیناویده 564 ته‌سی نینگ نتیجه‌سی مثبت تشخیص بولگن.
بوگون «چهارشنبه، 28- جوزا» ساغلیقنی سقلش وزیرلیگی نینگ عامه‌وی علاقه مسؤولی سعیدالدین جامی نینگ ایتیشیچه، اوتگن 24 ساعت جریانیده رویخط گه آلینگن ینگی واقعه‌لر شامل مملکت ده کرونا ویروس گه چلینگن‌لرنینگ سانی 26 مینگ و 874 کیشی گه ییتیشگن.
جناب جامی گه کوره، اوتگن بیر کیچه-کوندوز کرونا ویروس کسل‌لریدن 650 ته‌سی نینگ قیته ساغه‌یگنی معلوم قیلینگن و بو رقم‌لر شامل ساغه‌یگن‌لرنینگ رقمی 6 مینگ و 158 کیشی گه ییتیشه‌دی.
شونینگدیک، اوتگن بیر کیچه-کوندوز ده کرونا کسل‌لریدن 13 ته‌سی جان بیرگن و بو رقم علاوه جان بیرگن‌لرنینگ سانی 504 کیشی گه آشگن.
مملکت ده اوتگن 24 ساعت جریانیده رویخط گه آلینگن ینگی واقعه‌لردن 192 ته‌سی کابل ده، 65 ته‌سی بامیان ده، 64 ته‌سی تخار ده، 51 ته‌سی بلخ ده، 40 ته‌سی پکتیا ده، 27 ته‌سی قندهار ده، 27 ته‌سی قندوز ده، 24 ته‌سی میدان وردک ده، 21 ته‌سی بغلان ده، 14 ته‌سی دایکندی ده، 12 ته‌سی کاپیسا ده، 8 ته‌سی نورستان ده، 6 ته‌سی بدخشان ده، 6 ته‌سی ننگرهار ده، 5 ته‌سی کنر ده و 2 ته‌سی زابل ده قید ایتیلگن.
عین حالده، هرات ولایتی بوییچه ساغلیقنی سقلش ریاست سوزلاوچیسی محمدرفیق شیرزی نینگ ایتیشیچه، اوتگن بیر کیچه-کوندوز ده اوشبو ولایتده کرونا ویروس کسل‌لریدن 9 ته‌سی جان بیرگن و باشقه 130 ته‌سی نینگ قیته ساغه‌یگنی معلوم قیلینگن.
