غور یشاوچیلریدن قطارینینگ سلاموطندارگه ایتیشیچه، نیچه مدتدن بویان قودوقلرنینگ سووی قوریب قالگن و حاضرده صحی بولمهگن سوودن قولهنهدیلر.
غور یشاوچیلرینینگ ایتیشیچه، هریرود، مرغاب و فراه دینگیزلری اوشبو ولایتدن اوتهدی؛ بیراق اولر سوو کملیگی بیلن روپهره بولگن.
غور یشاوچیلریگه کوره، اوشبو ولایت محلی مسووللری سوو انتقال بیریش اوچون هردایم وعده بیرگنلر؛ بیراق حاضرگهقدر بو توغریده عملی ایش قیلمهگنلر.
غور ساغلیق نی سقلش باشلیغی جمعهگل یعقوبینینگ ایتیشیچه، سوو منبعلرینینگ کملیگی، هوا ایسیقلیگی و صحی بولمهگن سوودن قولهنیش کوپینچه کسللیکلرنی اورتهگه چیقارگن.
عینحالده، غور حاکمینینگ سوزلاوچیسی عبدالحی خطیبینینگ ایچیملی سوو کملیگی نی تصدیقلب ایتیشیچه، اون ییلدن بویان دولتی و غیر دولتی نهادلر تورلی منطقهلردن فیروزکوه شهریده سوو انتقال بیریش اوچون سعی و حرکت قیلهدی؛ بیراق محل یشاوچیلرینینگ دخالتلری باعث بو قینچلیکلر حل بولمهگن.
فیروزکو شهرینینگ یشاوچیلریگه کوره، مذکور شهر وضعیتی گه دقت بولمهگن صورتده، کسللیکلر کوپهیدی و اولر بو شهرنی ترک قیلیش گه زورلنهدیلر.
