سلاموطندارنینگ اجتماعی گزارشلری دوامیده، دولتی و نادولتی ادارهلرده جنسی بیزاته قیلینگنلردن آلینگن صحبتلر خاص شکلده برچه صحبت قیلگنلر اسمی مستعار طرزیده؛ لیکن حکایتلری حقیقتدن کیلیب چیقهدی.
مهتاب: ژورنالیسمدن فارغ بولگن ایدیم. نیچه آیدن کیین رسانهلردن بیریگه ایش آلدیم. اما آیلیگیم آز ایدی. باشلیغیمیز ایناغهسی میندن اونینگ دفتریده کیلیب ایش قیلیش ایستهگینی قیلدی. مین ایسه اقتصادی معمالر حل ایتیلیشی اوچون اونی گپینی قبول قیلدیم. ایش دفتریده باریشیم بیلن دستلب، شخصیتیم، صورتیم و چیبرلیگیمدن خوشی کیلگنلیگینی بیلدیردی. کیین مینگه قرارداد فورمینی بیردی. فورمده آیلیگیم جوده هم یخشی؛ حیرتلندیم. بیر کون بوقدر آیلیک آلیب ایشگه کیریشده ایشانمسدیم. کوپلب علاقه بیلن قراردادگه قول قویماقچی بولگنده، رییس: بو آیلیکنی مین بیلن علاقه قوریش اوچون آلهسن؛ باید مین بیلن بولسنگ دیدی. بیردن تیترهدیم. هیچ بیلمهدیم نیمه بولدی. باشیمگه دنیا قرانغو کیچه گه اوخشهدی. قلمنی قویدیم و دفتردن چیقدیم. کوپ زمان اوزیمنی قولدن بیرگن ایدیم و حالیم یخشی ایمس ایدی، هرییرده ایش اعلان بولردی، بدنیم قورقیشدن موزلب قالگندیک بولردی.
ناهید: رسانهده ایشلمهگنلیگیم سبب تجربهسیز ایدیم و تازه بیلیم یورتدن فارغ بولگن ایدیم، رسانهلردن بیریگه ایش درخواستینی بیردیم. دفتر باشلیغی قیسی سیناو یا مصاحبه آلمسدن مینی قبول قیلدی و سادهلیک بیلن خبرنگار بولدیم؛ او هم شاگرد صفتیده ایمس، بلکیم ایشلاوچی صفتیده آیلیک تعیین قیلدی. باشدن گپلرنی شبه بیلن کورردیم. دفترده نیچه کون ایشلشیمدن اوتمسی، رییسنی ایش دفتریمده کیلیب کیتیشی کوپهیدی و بیرار پیت مینی هم اوز دفتریگه چقیرردی. رییس نینگ مینگه بولهجک سوزلری و عملی جوده ملایم ایدی و هیچ اویلب بولمس ایدی باشیده باشقه گپ بولسه. بیرکیچهسی مینگه قونغیراق قیلدی و میندن تیزلیکده دفترده کیلیب بیر مهم قرارداد بارهسیده صحبت قیلیشیمنی سورهدی. مین هم قبول قیلدیم. رییس نینگ ایش دفتریده کیریشیم بیلن آراملیک بیلن یانیمده اولتیردی. کیلیب اولتیریشی بیلن جانیمده قلتیرمه کیلیب کیردی و کیچه کیلیشیم اشبتاهلیگینی بیلدیم. رییس گپنی باشلمسدن، سوزینی کسیب اویاق – بویاقدن سوزیمنی باشلب تشقریده آتم کوتیب تورگنلیگینی رییسگه معلوم قیلدیم. سوز بیرمه دیم تا رییس فکرینی مینگه بیان قیلسه؛ شاشیلینچ بیلن دفتردن قاچیب قیچدیم و اوشه کوندن کیین ایشگه هم بارمهدیم.
صفورا: انجنیرلیک بولیمیدن فارغ بولگندیم؛ بیراق ایرککلر تامانیدن یمان قرهشلرنی ایش ییرده کوپ کورگنلیگیم سبب، ایرککلر کوپچیلیک ییرلرده ایشگه باریشدن زیریککن ایدیم. اوز آلدیمده دولتی ادارهلردن بیریده باریب ایشگه اوتیش لایحهسینی ریجلهدیم تا هیچ بیر کیشی تامانیدن آسیب کورمهسم؛ شو اوچون نیچه وزیرلیککه ایشلش درخواستینی بیردیم. وزیرلیکلردن بیری نینگ ایش فورمینی هم تولدیردیم و قونغیراق قیلیشینی کوتیب قالدیم. نیچه کون اوتیشی بیلن بیرکیشی مینگه قونغیراق قیلدی و مذکور بولیمده کامیاب بولیش اوچون فورم تولدیریش مرحلهسینی تکمیل قیلیشگه کیلیشیمنی سورهدی. قیسی ادارهلیگینی سورهدیم؟ او، هیچ بیر وزیرلیک یا دولتی اداره آدرسینی بیرمهدی و بیر انیق بولمهگن ییر آدرسینی بیردی و بوییرده فورم تولدیریش اوچون کیلیشینگیز حتمی دیدی. سوء نیت قیلگنلیگینی بیلدیم؛ تیلفونیمنی اوچیردیم. اوندن کیین شو آدم نیچه مرته مینگه قونغیراق قیلدی و بیزاته قیلدی و ایش دفتریده کیلیشیمنی سورهدی. شوگوندن باشلب دولتی ادارهلردن قورقوشیم نیچه برابر بولدی. اوزیم بیلن عزتسیز بولیشدن کوره ایش سیز بولگنینگ یخشی دیب اویلهدیم.
