بلخ محلی منبعلری بو ولایتده بیر قیز آتهسی آرقهلی اولدیریلگنیدن خبر بیریشگن.
مذکور ولایت نینگ چهاربولک تومنیدهگی محلی بیر منبع کیملیگی سیر قالیشی نی ایستهب سلاموطندارگه ایتیشیچه، بیر ایرکک یاش قیزی نینگ دهشتلی شکلده اولدیریب و اونینگ کوزلری نی چیقارگن.
منبع حادثه سببی نی عایلوی دشمنلیکلر دیگن.
منبع گه کوره، مذکور حادثه اوشبو تومن نینگ «ششپیکال» قیشلاغیده یوزبیرگن کیم بو منطقه طالبلرنینگ نظارتی گه دیر.
منبع نینگ کوپهیتیریشیچه، قیز نینگ آتهسی حادثه محلیدن قاچگن، بیراق محل طالبلری بو ایرکک قولگه آلینیب و جزالنتیریلیشی خصوصیده سوزبیرگن.
مذکور حادثه حقیده چهاربولک تومن ولسوالی ذبیحالله زاهد نینگ فکری نی آلیش ایستهدیک، بیراق او سوزلش گه حاضر بولمهدی.
مملکت شمالیده انسان حقلری کمیسیونی باشلیغی سیدمحمد سامع بو خبرنی تصدیقلب ایتیشیچه، بو حادثه تیکشیریلماقده.
بلخ پولیسی نینگ ایتیشیچه، اوشبو حادثه حقیده حاضرگچه آرتیق تفصیلات قولگه کیلتیرمهگن.
ایتیلیشیچه، بو حادثه ۱۶- جاری قویاش آیی ده یوزبیرگن، بیراق اونینگ آرتیق تفصیلاتی مسئول نهادلرنینگ قولیگه قرار تاپمهگن.
