افغانستان بوییچه سرمایه یاتقزیش و سوداگرلیک اتاقی نینگ ینگی تدقیقاتی گه کوره، جمهورلیک ریاست سیلاوی نینگ نتیجه‌سی اعلان قیلینمه‌گی ایش و سوداگرلیک اوستیگه سلبی تأثیر قویگن.
سرمایه یاتقزیش و سوداگرلیک اتاقی نینگ مسؤوللری، خصوصی بولیم‌ده حکومت نینگ دقت‌سیزلیگی‌دن تنقید قیلیب ایتیش‌لریچه، آست قوریلمه یوقلیگی، ناتینچلیک، اداری فساد و سیاسی ثبات‌سیزلیک باعث، مملکت‌ده ایش و سوداگرلیک کمه‌ییب و سوداگرلرنینگ سرمایه‌سی قاچگن.
اولرگه کوره، بو اداره نینگ ینگی تدقیقاتی مملکت‌ده عمومی ایش وضعیتی‌نی اوتگن ییل‌گه نسبتن 13% کمه‌یگنینی کورسته‌دی.
سرمایه یاتقزیش و سوداگرلیک اتاقی نینگ تدقیقات بولیمی مسؤولی بصیر نورانی نینگ معلومات بیریش چاغیده ایتیشیچه، مملکت‌ده ایش وضعیتی قانیقرلی ایمس دیر.
اوشبو ییغینده سرمایه یاتقزیش و سوداگرلیک اتاق اورین باسری خان‌جان الکوزی نینگ ایتیشیچه، جمهورلیک ریاست سیلاوی نینگ نتیجه‌سی تیزلیک‌که اعلان قیلینمه‌گنی سوداگرلیک و سرمایه یاتقزیش اوستیگه سلبی تأثیر قویگن.
جناب الکوزی گه کوره، سیلاو نتیجه‌سی تیزلیک‌که اعلان قیلینگن صورتده، خصوصی بولیم‌ده سوداگرلیک و سرمایه یاتقزیش عادی حالتی گه قیته‌دی.
عین دمده، افغانستان سوداگرلری و سرمایه یاتقزووچیلری، گمرکی تعرفه و مالیه یوقاریلیگی‌دن شکایت قیلیشه‌دی.
