د تخار ولایت د ماورای کوچې ولسوالیو اوسېدونکي له حکومته د دې ولسوالیو د سړک پخولو غوښتنه کوي.
دوې میاشتې مخکې د ملي تدارکاتو کمېسیون له لوري د دې سړک د پخولو چارې قرارداد ته وسپارل شوې؛ خو تر دامهاله یې کارونه نهدي پیل شوي. د ماورای کوکچې ولسوالیو اوسېدونکي وايي چې د لارې د خرابوالي له امله په اوونۍ کې څو ناروغان روغتون ته د نه رسېدا له امله په لاره خپل ژوند له لاسه ورکوي.
دوی خبرداری ورکوي، که حکومت د دې سړک د پخولو چارې ژر پیل نهکړي «سړکونو ته به راووځي»
لهدې سره هممهاله ځايي مسوولان د دې سړک د ژر پخولو خبر ورکوي.
د تخار د والي ویاند سنتالله تیمور وايي، حکومت ډېر ژر د دې پروژې کارونه پيلوي.
د ملي تدارکاتو کمېسیون دوې میاشتې مخکې ویلي وو چې د دشتکلا او خواجهبهاوالدین د سړکونو د پخولو چارې یې فیض او الیاس دوو شرکتونو ته سپارلې دي. د دې شرکتونو مسوولان وايي چې حکومت ورته تر دامهاله د کار د پیلولو اجازه نهده ورکړې.
