.jpg)
هرات ولایتیده اونلب کیشی اعتراض بیلدیریب برشنا شرکتی قرشیسیده توپلنگنلر.
اعتراضچیلرگه کوره، اخیرگی ایکّی آیدهگی برق مصرفلری سابق آیگه قرهگده نیچه برابرگه آشگن. برشنا شرکتینی اوغیرلیککه عیبلهگن اعتراضچیلر، برشنا شرکتی حکومت بلند مرتبهلی رسمیلری همده زوروان شخصلردن پول قولگه کیریته آلمهیدی دیگنلر. شونینگ اوچون خلقدن «پول قولگه کیریتهدی» دیدیلر.
اعتراضچیلر برق مصرفینی تولهمسلیکلری بارهسیده آگاهلنتیرگنلر. هرات ولایت کینگشی نینگ اعضاسی حیبالرحمن پدرام، برشنا مسووللرینی الداوچیلیککه عیبلیب، اهالیدن ایستکلریگه ایجابی جواب بیریلمهگونگه قدر برشنا شرکتی قریسیده قالیشلرنی سورهگن.
.jpg)
مسالهنی تیکشریش اوچون مرکزدن هرات ولایتیگه هیات یوباریلگنلیگی ایتیلهدی.
یوقاری مرتبهلی هیات رهبرلیگیده هراتگه سفر قیلگن خالد استانکزینینگ سوزلریگه کوره، تیز آره ده ولایت خلقی شکایتلری تیکشیریلهدی.
ییغین سونگیده اعتراضچیلر ایستکلریگه قانیقرلی جواب بیریلمهگن حالده، جیم تورمسلیکلرینی بیلدیرگنلر.
