.jpg)
بغلان ولایتینینگ دینی عالملری و مدنی جماعهچیلیک اعضالریدن بیرقطارینینگ ایتیشیچه، مذکور ولایت دینی مدرسهلریگه ترورچیلیک و دولتگه قرشی فعالیت قیلیش ایشلری اورگه تیلهدی. اولرنینگ آگاهلنتیریشیچه، معارف ریاستی فعالیت قیلیب کیلهدیگن مدرسهلر آلدینی آلمهگن صورتده، بو مدرسهلرنی طلبهلریدن کوپینچهسی عصیانگرچیلیک فعالیتلرینی اورگهنیب و تیزلیکده تیزیمگه قرشی توریشلری ممکن.
دین عالملریدن بیری استاد مولانا سیدنقیبنینگ ایتیشیچه، بیگانهلر اوز مقصدلرینی عملگه آشیریش اوچون، دینی مدرسهلرده نفوذ قیلیش خصوصیده سعی و حرکت قیلهدی. اونینگ کوپهیتیریشیچه، بیگانهلر عصیانگرچلیک فعالیتی بیلن اسلام دینینینگ بدنام قیلماقچی بولهدی.
.jpg)
شونینگدیک، مدنی جماعهچیلیک ادارهسی اجراییه مسؤولی محمدعاطف عارفیاننینگ آگاهلنتیریشیچه، تیزلیکده دینی مرکزلرنینگ بوندهی فعالیتلری آلدی آلینمهگن صورتده، بیر کون اوشبو اوقووچیلر دولتگه قرشی قیام قیلیشی ممکن.
بیراق، بغلان معارف ریاستی، دینی مدرسهلرده ترورچیلیک فعالیتلری اورگهتیلیش مسالهسینی رد قیلیب ایتیشیچه، اولر مذکور ولایت دینی مدرسهلرینی نظارتگه آلگن. اوشبو ریاست سرپرستی عبدالقادر رسولینینگ ایتیشیچه، دینی مدرسهلرده مملکت اورگهتیش لایحهسی اساسیده درس بیریلهدی و هیچ بیر دینی مدرسهده، مملکت اورگهتیش لایحهسیگه قرشی درس بیریلمهیدی.
جناب رسولیگه کوره، حاضر اوشبو ولایتده 35 دینی مدرسه فعالیت قیلهدی و 10 مینگدن آرتیق قیز و اوغیل اوقووچی اوشبو مدرسهلرده درس اوقیدی. رسولیگه کوره، اوشبو جملهدن یالغیز 5 مدرسه طالبلر نظارتیدهگی منطقهده بولگن.
