غور ولایتیده طالبان گروهینینگ جنگری جلب قیلیشی، اوشبو ولایت یشاوچیلری و ولایتی کینگش اعضالرینی خواطرلنتیرگن.
اولرنینگ ایتیشیچه، طالبان گروهی غور ولایتینینگ غربی تومنلریده کینگ شکلده فعالیت قیلهدی و یاشلر و دینی مدرسه طلبهلرینی دولتگه قرشی تحریک قیلهدی.
مذکور تومنلر یشاوچیلریدن بیرقطارینینگ ایتیشیچه، طالبان گروهی یاشلرنینگ احساساتلریدن سوءاستعمال قیلهدی و تبلیغ آرقهلی اولرنی دولت و نظامگه قرشی قورال آلیشلری اوچون سعی و حرکت قیلهدی.
اولرنینگ کوپهیتیریشیچه، اوشبو گروه جنگریلری اهالیگه قرشی زوردن ایش آلیب و اولرنی عشر و ذکات بیریشگه مجبور قیلهدی.
عینحالده، غور ولایتی کینگش اعضاسی عبدالحمید ناطقینینگ بو ادعالرنی تصدیقلب ایتیشیچه، طالبان گروهی اهالی و دینی مدرسهلرگه نفوذ قیلیش بیلن یاشلر و یاش ییگیتلردن جنگری توپلهیدی.
عینحالده، غورحاکمینی سوزلاوچیسی عبدالحی خطیبی نینگ ایتیشیچه، طالبان گروهینی یاشلر و یاش ییگیتلردن جنگری جلب قیلیش توغریسیده اولرگه هیچقندی گزارش ییتیشمهگن، بیراق طالبان گروهی اهالی آرهسیده دولتگه قرشی تبلیغ قیلهدی.
غور ولایتی کینگش اعضالری و یشاوچیلرینینگ ایتیشیچه، طالبان گروهی نظارتلریده بولگن منطقهلرده کینگشی تیریش پروژهلرنی عملی ایتیلیشی و قیزلرنینگ مکتبگه باریشی اوچون رخصت بیرمهیدی.
