افغانستان فوتبالی لیگ برتر قهرمانی «اسپین غر بازان» فوتبال تیرمه جماعه‌سی جنوبی آسیا فوتبال جامی بیرینچی اویینی‌ده بیر- صفر غلبه قازاندی.
اوشبو تیرمه جماعه اویین‌چیلری (چهارشنبه کون) کیچ قورون بنگلادشلیک «داکا محمدان» قوتبال تیرمه جماعه‌سی برابریده قرار تاپیب و 33- دقیقه‌ده رقیب دروازه‌سینی آچگن.
اوشبو تیرمه جماعه‌نینگ گولی، انور اکبری تامانیدن اوریلگن و شونینگ‌دیک، مذکور اویینچی میدان‌نی یخشی اویینچیسی صفتیده تنلنگن.
اوشبو گروه‌نی باشقه اویینی‌ده، سریلانکالیک سولید تیمی 2-1 هندوستان‌لیک «کلکته محمدان» تیمی‌نی یوتقزدیرگن.
بو اویین‌لرده رقیب‌لرینی یوتقزدیرگن تیرمه جماعه‌لر بیرمینگ دالر و میدان‌نی یخشی اویینچیسی 500 دالر قولگه کیریته‌دی.
اسپین غر بازان تیرمه جماعه‌سی ایکینچی اویینی‌ده ایرته افغانستان وقتی بیلن کیچ قورون ساعت 6 ده هندوستان‌لیک «کلکته محمدان» تیمی برابریده چقیش‌گه قرار قیلینگن.
جنوبی آسیا فوتبال جامی «شیخ کمال» آتی‌ده 20- اکتبر بنگلادش‌ده باشلندی و 30- اکتبر اوشبو اویین‌لر قهرمانی بیللی بولگنی‌دن کیین یکونلنه‌دی.
اوشبو اویین‌لرنی کوزه‌تووچیلری‌گه کوره، جام قهرمانی 25 مینگ، نایب قهرمانی 10 مینگ و برچه اشتراک ایتکن تیرمه جماعه‌لر 6-6 مینگ دالر ساورین صفتیده قولگه کیریته‌دی.
