مسکو ایکی کونلیک ییغینی بیر شرطنامه آرقهلی یکونلندی.
اوشبو ییغینده افغانستان حکومتینینگ سابق رسمیلری، قطار جهادی و سیاسی چهرهلر و طالبان گروهینینگ هیاتی اشتراک قیلگن ایدی. بیراق افغانستان حکومتی بو ییغینده نماینده یوبارمهگن.
مسکو تینچلیک ییغینیده اشتراک قیلگنلر، مملکتده تینچلیک تامین ایتیلیشی و چیتایللیک کوچلرنینگ کامل صورتده افغانستاندن چیقیشی توغریسیده کیلیشگنلر.
مذکور شرطنامهده، طالبلر رهبرلرینینگ آتلرینی خلق ارا سازمانینینگ قاره رویخطیدن چیقاریلیشی و اوشبو گروهنینگ قطردهگی سیاسی دفترینی رسمیتگه تانیلیشی اوستیگه تاکید قیلینگن.
اوشبو شرطنامهنینگ باشقه بیر بولیمیده «بوتون قوملر مشارکتی بیلن قوریلگن کوچلی مرکزی حکومتدن حفاظت قیلینیشیگه» تاکید قیلینگن.
اوشبو ییغینده تینچلیک سوزلشوولرینی افغانستانلیکلر آرهسیده دوام تاپیشی توغریسیده هم صحبت ایتیلگن.
عینحالده، جمهورلیک ریاستی سوزلاوچیسینینگ اورین باسری شاهحسین مرتضوینینگ فیسبوک صحیفهسیده یازیشیچه، مسکو ییغینیده حنیف اتمر تیمی و طالبلر آرهسیده کیلیشوو صورت تاپگن و بو ییغینده باشقه قطار موضوعلر توغریسیده هم کیلیشیلگن.
افغانستان جمهورلیک ریاستی سیلاوینینگ نامزدی حنیف اتمر اورین باسرلری یونس قانونی و محمد محقق بیلن مسکو ییغینیده اشتراک قیلگن ایدیلر.
افغانستان تینچلیک سوزلشوولری بوییچه امریکانینگ خاص نمایندهسی زلمی خلیلزادنینگ تیزلیککه طالبلر نمایندهلری بیلن افغانسان تینچلیگی خصوصیده مذاکره قیلیش اوچون قرار قیلگن بیر چاغده مسکو ییغینی یکونلنگن.
