اسلامی حزب اعضالریدن یوزلرچه‌سی اوشبو حزب نینگ تینچ‌لیک پروسه سیگه قوشیلیشی بیلن امنیتی نهادلرگه سینگدیریلیشی لازم ایدی، اما تینچ‌لیک عالی کینگشی‌نینگ ایتیشیچه، دستلب اوشبو حزب یوزکیشی‌لیک لیستی معیارگه برابر بولمه‌گنی اوچون امنیتی نهادلر تامانیدن رد ایتیلگن.
تینچ لیک عالی کینگشی نینگ تشقی علاقه لر بولیب باشلیغی احمد فرزام نینگ ایتیشیچه، اون کون آلدین اسلامی حزب تینچ‌لیک بیتیمی اساسیده نفرلری لیستینی یوبارگن ایدی، اما معیارنی تولدیرمه گنلی دلیل اوشبو لیست اسلامی حزبگه قیتریلگن.
اونگه کوره، اوشبو 100 کیشیلیک لیستدن 80 نفر مدافعه وزیرلیگی و قالگن 20 کیشی‌سی ایچکی ایشلر وزیرلیگی‌گه معرفی قیلینه‌دی، بیراق معیارنی تولدیرمه‌گنی اوچون اوشبو لیست اسلامی حزبیگه قیتریلگن.
افغانستان‌لیک کیم‌لیک، امنیتی نهادلرده سابق حربی بولیم‌لرده ایشله‌گنی و تانیتیلگن شخصلرنینگ اسلامی حزبگه اعضا بولگن‌لیگی مذکور حزب تامانیدن امنیتی نهادلرگه یوباریلیشی شرط ایکن.
اما بو حزب سوزلاوچیسی قریب‌الرحمان سعیدنینگ ایتیشیچه، یوز کیشیلیک لیستده سیغدیریلگن شخصلر مدافعه و ایچکی ایشلر وزیرلیکلریده سوابقلری ثبت قیلینگن. جناب سعیدنینگ ایتیشیچه، لیستنی تکمیل قیلیب ینه کمیسیونگه یوباره دیلر.
اوتگن ییل میزان آیده افغانستان حکومتی گلبدین حکمتیار رهبرلیگیده اسلامی حزبی بیلن تینچ‌لیک بیتیمی‌گه قول قویگن ایدی.
بیتیم اساسیده، اوشبو حزب اعضالریدن بیر قطاری سابق امنیتی نهادلر چوکاتیده فعالیت قیلگن‌لیکلری انیق بولیشی بیلن مدافعه و ایچکی ایشلر وزیرلیگی، ملی امنیت عمومی ریاستیده ایشگه آلینه‌دی دیب قرار قیلینگن ایدی.
