بوگون "چهارشنبه" شهرقوریش وزیری سیدسعادت منصور نادری، اوشبو وزارت تورت اورین باسری بیلن بیرلیکده استعفا قیلگن. جناب نادرینینگ بیر خبری ییغینده ایتیشیچه، کسللیک سبب وزارت مقامیدن کنار کیتگن و استعفاسی جمهور رییس تامانیدن قبولنگن.
سابق شهر قوریش وزیرینینگ ایتیشیچه، اوشبو وزارت تورت اورین باسریدن بیری تحصیلنی دوام بیریش و ایکی تهسی کسللیک سبب استعفا بیریب شونینگدیک باشقه بیرینینگ یاشی یوقاری بولگنی اوچون تقاعدگه سوق بیریلگن.
جناب نادرینینگ ایتیشیچه، جمهورلیک ریاستینینگ حکمی اساسیده، روشان ولسمل شهر قوریش، سید نسیم خلیق تخنیکی ایشلر، عزیزاحمد گلستانی مسکن بولیمده و محمد همایون فیض پالیسی بولیمده سرپرست عنوانیده تعیین ایتیلگن.
شهر قورش وزیرلیگینینگ اورین باسرلری نمایندهلیگیده امرالدین سالکنینگ ایتیشیچه، جای لرینی یاش تحصیل قیلگنلرگه خالی قیلیشلری کیرک و اوشبو استعفا قبولنگنیدن خرسند دیر. شهر قوریش وزیرلیگینینگ اروین باسر و سرپرستی روشان ولسمل، اوشبو وزارت سابق اورین باسرلریدن تقدیرلب و مذکور وزارت پروژهلرینینگ عملی ایتیلیشی توغریسیده اولرنینگ سعی و حرکت لریدن مینتدارلیک بیلدیرگن.
بیرینچی مرته که بیر وزارتنینگ 5 ارشد رسمیسی گروهی شکلده استعفا قیلهدی.
