افغانستان جمهور رییسی محمد اشرف‌غنی سوزلاوچی‌سی‌نینگ اورین باسری دواخان مینه‌پال، افغانستان‌ده تینچلیک اورنه‌تیش اوچون مذاکره‌نینگ بیشینچی دوری باشله‌نیشی توغریسی‌ده خبر بیریشگن. او، اوشبو مراسه‌ده پاکستان حکومتی قوراللی طالب‌لرنی تینچلیک مذاکره‌سی‌گه حاضر قیلیش اوچون عمل‌ده همکارلیک قیلمه‌گن حالده، افغانستان حکومتی نینگ نماینده‌سی مذکور ییغین‌ده اشتراک قیلمیدی دیگن.
جمهور رییس سوزلاوچسی‌نینگ اورین باسری، افغانستان‌ده تینچلیک و برقرارلیک تامین ایتیلیشی اوچون رسمی اسلام آباد عمل‌ده همکارلیک قیلمه‌گن تقدیرده، رسمی کابل اسلام آبادنینگ وعده‌لریگه ایشانمیدی دیدی. اونینگ اشاره قیلیشیچه، احتیاج سیزیلگن تقیرده، افغانستان حکومتی یالغوز ایلچی یاده قویی سطح ده بولگن نماینده‌سی‌نی مذکور تورت تامانلمه ییغین‌گه یوبارشی ممکن.
پاکستان‌لیک مدنی فعال و یازووچی رزاق برق، مذاکره‌نینگ بیشینچی دوری ایرته اسلام آبادده امریکه، افغانستان، چین و پاکستان نماینده‌لری اشتراکی‌ده اوتکزیلشی‌نی ایتگن.
اوشبو کونده‌لیک یازوچی‌نینگ سوزلریگه قره‌گن‌ده، هنوز گچه هم ییغین‌ده محاکمه ایتیله دیگن کون ترتیبی توغریسی‌ده هیچ نرسه ترقه تیلمه‌گن دیگن.
پاکستان باش وزیری همده تشقی ایشلر وزیرلیگی‌نینگ مصلحتچی‌سی‌گه اساسلب یازگن جناب رزاق برق، اوشبو ییغین ایجابی نتیجه آلیب کیلمه‌گن حالده؛ رسمی اسلام آباد چین، پاکستان و افغانستان همکارلیگی بیلن قوراللی طالب‌لرنی مذاکره میزی‌گه کیلتیریش اوچون عمل‌ده آدیم کوتاره دیگن دیگن.
لیکن، افغانستانلیک سیاسی تحلیلچی‌لردن وحید مژده، قوراللی طالبلر افغانستان دولتی‌نینگ تاکتیک‌لریدن فایده‌له‌نیب، اوشبو ییغین‌ده قویی سطح‌ده بولگن نماینده‌لرینی یوباریش‌لری ممکن دیگن.
جناب مژده، اوشبو اولتیریش نمایشی همده ثمره‌سیز ایکن لیگی خصوصیده علیحده تاکیدله‌گن. مژده، پاکستان دنیا هم‌جمعیتی اینیقسه امریکه قوشمه ایالت‌لری باسیمی‌دن قوتیلیش اوچون بونده‌ی بیر ییغین‌لرنی اوتکزیش‌گه اوزینی مسوول بیله‌دی دیگن.
شونینگ‌دیک جناب مژده افغانستان هلی کوچلی بیر قدرت موقعی‌دن پاکستان بیلن مذاکره ده، اوشبو سیاست‌ده کیچیک بیر اوزگیریش کیلگن حالده، پاکستان نینگ کامیابلیگی و افغانستان‌نی ایسه شکستی‌گه سبب بولیشی هم امکاندن اوزاق ایمس دیدی.
بو قبیل سوزلر، بوندن نیچه وقت آلدین پاکستان باش وزیری همده تشقی ایشلر وزیرلیگی‌نینگ مصلحتچی‌سی سرتاج عزیز؛ قوراللی طالب‌لرنی حربی یول بیلن ایمس بل، تینچ یول بیلن مذاکره‌گه کوندیریش ممکن دیگن بیر پیت‌ده اظهار ایتیلماقده.
افغانستان‌ده تینچلیک و برقرارلیک اورنه‌تیش اوچون کابل و اسلام آبادده، امریکه، پاکستان، چین و افغانستان نماینده‌لری اشتراکی‌ده مراسه اوتکزیلدی. اما، مذاکره‌چیلرنینگ چقیریغی‌گه قوراللی طالبلر تامانی رد جواب بیریشی ینه بو حرکت‌نینگ بهاری هجوملری شددتله‌نیشی بو قبیل ییغین‌لرنینگ نتیجه‌سیز ایکن لیگی‌دن دَرک بیره‌دی.
