بلخ ولایتیدن چیکلنتیریلگن والی عطامحمد نور توغریسیده ارگ بیلن اسلامی جمعیت حزبینینگ بیرینچی ییغینی یکونلندی.
اوشبو ییغینده جمعیت حزبی نمایندهلیگیدن صلاحالدین ربانی، محیالدین مهدی، ستار مراد و واقف حکیمی و حکومت نمایندهلیگیدن حنیف اتمر، معصوم ستانکزی و سلام رحیمی اشتراک قیلگنلر.
آتی فاش ایتیلیشینی ایستمهگن بیر منبعنینگ ایتیشیچه، اوشبو ییغین جمعیت نمایندهلیگیدن «ایکی وزیرلیک، ایکی ایلچیخانه، بیر ولایت و بیر پولیس قومندانلیگی» پستلریده کیشیلر تعیین ایتیلیشی توغریسیده اوتکزیلگن.
منبعنینگ کوپهیتریشیچه، بوگونکی ییغینده یالغیز اسلامی جمعیت حزبینینگ ایستکلری ارگگه ییتکیزیلگن و ایکی تامان سونگی ییغینلرده کوپراق مذاکره قیلیشلری ممکن.
منبع گه کوره، اوتگن کون صلاحالدین ربانی حکومت اجراییه باشلیغی عبدالله عبدالله بیلن اوچرهشیب و اوشبو مذاکره توغریسیده بحث اوتکزگن و شونینگدیک، اجراییه باشلیغی جنجللر تینچلیکده حل ایتیلیشی اوستیگه تأکیدلگن.
عین حالده، بوگون جمعیت حزبینینگ اجراییه باشلیغی عطامحمد نورنینگ نیچه مرته ایتیشیچه، حکومت بلخ نی ناتینچ قیلیش اوچون ریجه توزهتگن. بیراق اونینگ کابل توغریسیده ایتیشیچه، ملی امنیت ادارهلری و ملی امنیت کینگشی دولتی مهمانخانهلرده «باشی بوش آدملر» نی توپلب و بلخ برابریده قیام قیلیشلری اوچون اولرگه قورال ترقهتگن.
