جمهورلیک سرایی تامانیدن نشر ایتیلگن خبرنامه‌ده ایتیلیشیچه، افغانستان دولتی مملکت‌ده باله‌لر جنسی زورلشگنی‌دن آگاه دیر و اوشبو غیر انسانی و دین‌گه قرشی عمل‌نی باشقریش خصوصیده چاره تدبیر کورماقده.
جاری هفته (یک‌شنبه کون) امیریکه‌لیک نیویورک تایمیز کونده‌لیگی‌نینگ گزارشی‌گه کوره، افغانستان امنیتی کوچلری باله‌لرگه جنسی زورلشه‌دی و امیریکه عسکرلری قوماندان‌لری‌نینگ بویروغی اساسیده، بو عمل توغری‌سیده دقت قیلمه‌یدیلر.
افغانستان ایچکی ایشلر و مدافعه وزیرلیک‌لری، پولیس و حربی کوچلر اورته‌سیده بچه‌بازلیک عملی بولگنینی رد ایته‌دی، بیراق ایچکی ایشلر وزیرلیگی سوزلاوچیسی صدیق صدیقی، میدیالر بیلن اوتکزگن صحبتیده، باله‌لرگه جنسی زورلشنی و پولیس کوچلری اورته‌سیده بچه‌بازلیک بولگنینی ایسکی دیب بیله‌دی.
جمهورلیک سرایی خبرنامه‌سیده کیلیشیچه، بو ایش اینیقسه حربی کوچلر اورته‌سیده بولگنی کیچریم سیز دیر و دولت بونده‌ی بیر یامان عمل‌نی باشقریش خصوصیده، هیچ قنقه سعی و حرکت‌دن وازکیچمه‌یدی.
عین حالده، افغانستان بوییچه ناتو و امیریکه کوچلری قومندانی جنرال جان کمپبل‌نینگ ایتیشیچه، افغانستان امنیتی کوچلری اورته‌سیده باله‌لر جنسی زولنگن صورتده، اولر واقعه‌دن ساده کیچمه‌یدی.
ارگ خبرنامه‌سینی کوپه‌یتیریشیچه، افغانستان جمهور رییسی محمداشرف غنی‌نینگ، (چهارشنبه کون 1- میزان) مملکت امنیتی رسمی‌لریگه ایتیشیچه، افغانستان قانونی و مدنی ارزش‌لر اساسیده، باله‌لرنینگ جنسی زورلشگنی یامان جنایی جرم‌لردن بیری سنله‌دی.
جمهور رییس، اولرگه بونده‌ی بیر عمل‌نی یوقاتیش و باله‌لرنینگ جنسی زورلشگنینی باشقریش خصوصیده، چاره تدبیر کوریش‌لری‌گه بویروغ بیرگن.
شونینگ‌دیک جناب غنی، انسان حقوق‌لری کمیسیونی، ایچکی ایشلر وزیرلیگی و باش قاره‌لاوچیلیک اداره‌سیدن بو خصوصیده، بیر کمیته ایجاد ایتیب و قضیه‌نی تیرگاوگه آلیش‌لرینی سوره‌گن.
انه شونده‌ی جمهورلیک سرایی‌نینگ یازیشیچه، افغانستان حکومتی یشاوچیلر اینیقسه باله‌لر و عیال‌لر حقوقی‌نی سقلش خصوصیده، کوچلی اراده بیلن حرکت قیله‌دی.
شونده‌ی بیرحالده، بوندن آلدین افغانستان انسان حقوق‌لری کمیسیونی بیر گزارش ترقه‌تیب، افغانستان‌ده بچه‌بازلیک عملی کوپه‌یگنی‌دن خبر بیرگن ایدی.
