طالبلر ارجستان تومن‌نینگ ایریم بولیم‌لرینی نظارت گه آلیب و بیرقطار اویلرنی اوتگه یاندیرگن.
غزنی ولایت کینگشی باشلیغی لطیفه اکبری‌نینگ ایتیشیچه، اوچ کون اوروش و مقاومت‌دن سونگ، امنیتی کوچلر اجرستان تومنیدن آرقه‌گه چیکیلگن. اونینگ ایتیشیچه، طالبلر ایکی پوسته و 5 قشیلاق‌نی نظارت‌گه آلیب ملی، محلی پولیس و تومن ایشلاوچی‌لریگه تیگیشلی بولگن کمیده 120 اوینی یاندیرگن.
خانم اکبری‌نینگ ایتیشیچه، یاردمچی کوچلر اوشبو تومن‌گه یوباریلمه‌گن صورتده، بو تومنده کته فاجعه یوز بیریشی ممکن.
عین‌حالده، غزنی حاکمی‌نینگ سوزلاوچیسی محمد عارف نوری‌نینگ ایتیشیچه، آتیشمه جریانیده 50 قوالی طالب هلاک و اونلرچه‌سی یره‌لنگن. اونینگ ایتیشیچه، اوشبو توقنه‌شووده امنیتی کوچلردن 18 ته‌سی هلاک و باشقه 13 ته‌سی یره‌لنگن.
غزنی حاکمی‌نینگ سوزلاوچیسی گه کوره، طالبلر تینچ اهالی دن بیرقطاری‌نینگ اولدیریب و یره‌لنتیرگن. اونینگ ایتیشیچه، تیک اوچر بولمه‌گنی سبب، کماندو کوچلری منطقه‌گه یوباریلگن ایمس. نوری گه کوره، کماندو کوچلری مذکور تومن گه یوباریلمه‌گن حالده، طالبلر بوتون عسکرلر و دولت ایشلاوچیلرینی قتل قیله‌دی.
عین‌حالده، غزنی پولیس قومندانی فرید مشعل‌نینگ ایتیشیچه، کماندو کوچلری بوگون ایرته‌لب منطقه گه بارگن و منطقه‌نی طالب‌لردن تازه‌لش اوچون هوا و ییردن عملیات یولگه قویگن.
