اجراییه ریاستی بنگی وارمادهسیگه قرشی کوره‌شیش خلق ارا کونی مناسبتی بیلن بیر خبرنامه ترقه‌تیب، مخدرماده‌گه قرشی کوره‌شیش اوچون، بنگی وارمادهسیگه قرشی کوره‌شیش قانونی اوزگریشینی بیلدیرگن.
اجراییه ریاستی نینگ خبرنامه‌سیده کیلیشیچه، باشقه مملکت‌لردن کوره افغانستان بنگی‌وارماده‌لرنی ایشلب چیقاریش‌ده بدنام بولگن انه شو سبب بو پدیده اوچون جدی قرشی کوره‌شیشی لازم. شونینگ‌دیک اجراییه ریاستی خبرنامه‌سیده کیلیشیچه، بنگی وارمادهسیگه قرشی کوره‌شیلیشی اوچون مخصوص بیلیم یورت و انستیوت قوریلیشی شرط.
اوشبو ریاست خبرنامه سیگه کوره، بنگی وارماده سیگه قرشی کوره‌شیش اوچون خاص بیلیم یورت ایجاد ایتیلیشی لازم. خبرنامه، بنگی وارمادهسیگه قرشی کوره‌شیش اوچون امنیتی و حربی کوچلر تقدیرله‌نیشی لازم دیگن.
مذکور ریاست‌نی تکلیفی‌گه کوره، بنگی وارمادهسیگه قرشی کوره‌شیش اداره‌سی کینگیتیریلیب و کوچله‌نیب بنگی وارمادهسیگه قرشی کوره‌شیش نامی‌ده کمیته تاسیس ایتیلیب وزیرلیک کبی وزیرلر کینگشی‌ده فعال بولیشی کیره‌ک. ایکینچی‌لیک وزیرلیگی برنامه‌لرینی قیشلاق‌لرنی کینگیتیریش وزیرلیگی و باشقه دولتی اداره‌لرده کوکنار ایکینی بیرگه‌لیک‌ده تحریم بولیشی کیره‌ک.
شونینگ‌دیک اجراییه ریاستی خبرنامه‌سیده کیلیشیچه، حکومت اراده‌سی بنگی وارمادهسیگه قرشی کوره‌شیش اوچون بوندن آرتیق کوچله‌نیب قیسقه مدت‌گه کوکنار ایکینی باشقریلیشی و بنگی وارمادهسیگه قرشی کوره‌شیش خصوصی‌ده علمالر نقشی برجسته بولیشی لازم.
دیمک بنگی وارمادهسیگه قرشی کوره‌شیش وزیرلیگی و شونینگ‌دیک بیر ریاست ایچکی ایش‌لر وزیرلیگی‌ده فعالیت قیله‌دی. افغانستان‌ده بنگی وارماده‌سی ایکینی و قاچاقی اوتکن ییل‌لرگه قدر کوپیگن
افغانستان‌ده بنگی وارماده‌سی ارزشی میلادی ۲۰۱۲- ییل ده ۷۰ میلیارد‌گه ییتیشگن.
میلادی ۱۹۹۲- ییل‌دن بویان افغانستان دنیاده بنگی وارماده ایشلب چیقاره‌دیگن مملکت دییله دی. گزارش‌لرگه کوره، میلادی ۲۰۱۴- ییل افغانستان‌ده ۲۶۰ مینگ هکتار ییرگه کوکنار ایکیلگن.
