ملی بیرلیک حکومتی اجراییه باشلیغی عبدالله‌عبدالله، برشنا شرکتی مدیریتی قنده‌یلیگی و برق وضعیتی تیکشیریلیشی اوچون اوتکزیلگن ییغین‌ده ایتیشیچه، انرژی مسئله‌سی، اینیقسه الکتریکی انرژی مملکت‌میز اوچون جدی مسئله‌لردن بیری دیر؛ مملکت یشاووچیلری‌نینگ تیریک چیلیگی یخشی‌لنیشی توغریسیده یاردم بیریش‌دن علاوه، آست قوریلمه‌لر لایحه‌لر رواجلنیشی‌گه ایجابی تاثیر تشله‌یدی.
اجراییه باشلیغی‌نینگ کوپیتیریشیچه، سوو و برق وزیرلیگی بیلن برشنا شرکتی اورته‌سیده اویغون‌لیک ایجاد ایتیب مملکت‌ده برق مسئله‌سی‌نی، قیین چیلیک‌دن فرصت‌گه اوزگرتیریشی‌میز کیره‌ک.
بو ییغین‌ده برشنا شرکتی باشلیغی عبدالرازق صمدی تامانیدن ارایه ایتیلگن گزارش‌گه کوره، بو شرکت ایکی ییل‌دن بویان مالی جهت‌دن اوز ایاغیگه استوار تورگن و دولت یاردم بیرمه‌گن صورتده‌هم ایشیگه دوام بیره آله‌دی. جناب صمدی‌گه کوره، برشنا شرکتی‌نینگ حاضرگی کونلرده 5.4 میلیارد نقد دالری بانک‌ده بار.
برشنا شرکتی باشلیغی، مملکت بویلب بو شرکت‌نینگ کینگیتیریش برنامه‌لری‌گه اشاره قیلیب ایتیشیچه، اوشبو شرکت مدیریت سیستمه‌سی اوزگریش نتیجه‌سیده، پایتخت شامل باشقه نیچه ولایت‌ده برق ترقه‌تیش سیستمی‌گه اصلاحات کیلتیریلگن.
شونینگ‌دیک اجراییه باشلیغی، وزیرلر کینگشی فرعی کمیته ییغینی‌ده، تصدی‌لر، برق اسکونه‌لری، فایبر نوری کیبل‌لری و حلقوی یول‌لر امنیتی تأمین‌لنیشی و بولرنی سقلنیشی اوستی‌گه تاکیدلب ایتیشیچه، حکومت و امنیتی اداره‌لر، ملی سرمایه‌لردن جدی و هرتمانمله صورتده مدافعه قیلیشی لازم.
نیچه ییل‌دن بویان، کته شهرلرگه برق ییتکزیش مرکزلری یوکسلگنی‌دن سونگ، مملکت بیرقطار محروم ولایت‌لری، برق ترقه‌تیلیشی اوچون موازنت بولگنی‌دن ناراض ایدیلر. ولایت‌لر یشاووچیلری مملکت بویلب عدالت کوزگه توتیلیب برق ترقه تیلیشی‌نی سوره‌گن‌لر. باشقه بیرتاماندن بیرقطار کته شهرلرده برق هزینه‌سی یوقاری کیتگنی‌دن یشاووچیلر ناراضیلیک بیلدیرگن؛ انچه پیت آلدین هرات یشاووچیلری برق هزینه‌سی یوقاری کوتاریلگنی باعث ناراضیلیک‌لرگه قول اورگن ایدیلر.
