د ملي یووالي حکومت اجرایوي رییس عبدالله عبدالله وايي، دولت ته د ترهګرو ډلو په تسلیمېدو سره به د هغوی جنایتونه ونهبښي.
نوموړي چې نن (دوشنبه) د وزیرانو شورا غونډه کې خبرې کولې وویل، د ترهګرو ډلو په جنایتونو سترګې نهشي پټولی او دولت ته تسلیم شویو داعشیانو سره باید د جګړهییزو اسیرانو په توګه چلن وشي؛ ځکه دې ډلې په شمال کې تر تسلیمېدو پرته بله لار نه لرله.
عبدالله عبدالله هغه اوازې هم رد کړې چې حکومت طالبانو ته ځینې سیمې ورکوي او امنیتي ځواکونه به هم له یادو سیمو راووځي.
اجرایوي رییس زیاتوي، تر هغې چې وسلهوال مخالفان او نورې ترهګرې ډلې له افغانانو سره جګړه کوي، دوښمن بلل کېږي.
دا څرګندونې داسې مهال کېږي چې ځینو کارپوهانو تل د ترهګرو ډلو پر وړاندې د حکومت دریځ خوشبینوونکی بللی دی. د دوی په باور، اوس هم له دولت سره د وسلهوالو ډلو یوځای کېدو لهپاره روښانه تګلاره نهشته.
