جمهورلیک سرایی کوپلب اجتماعی ترماقلرده فعالیت قیله‌دیگنلرنی «ناقانونی و نا اخلاقی» شکلده حکومت نینگ کوپلب حکم‌لر و بویروغلری متنینی «جعل» قیلگن‌لیکلری سبب قانونی شکلده تعقیب قیلیشدن آگاه‌لنتیرگن.
افغانستان‌ده سونگی ییل‌لرده اجتماعی ترماق‌لراینیقسه فیس‌بوکدن معلومات آلیش و استفاده قیلینیشی کوزگه کورینرلری حدیگه یوقاری کیتگن. افغانستان اهالیسی سیاسی و اجتماعی تنقیدات بیلن مذکور ترماقدن فعال حصه قوشه‌دیلر.
بیرار پیت بو ترماق فعاللری حکومت بلند مرتبه‌لی رسمیلری‌نینگ صادر قیلگن حکم‌لرینی هم اوز صحیفه‌لریدن ترقته باشلیدیلر.
جمهورلیک سرایی ارگگه تیگیشلی رسمی فیس‌بوکی‌دن یازیشیچه، مذکور ترماقدن سوءاستفاده قیله دیگنلر زمانوی تکنولوزیدن ایش آلیب جعل قیلیش‌گه قول اوره‌دیلر و «اجتماعی ترماقلرنینگ آچیق فضاسیدن یمان فایده‌لنه‌دیلرو اونینگ ترویج قیلیش‌گه اولگوره دیلر».
ترقه‌تیلگن اعلامیه‌ده: «نا قانونی و غیر اخلاقی بولیش یانیده بونقه مطلب‌لرنی ترقه‌تیشلری هر دلیل بیلن هم بولسه اهالی ذهنیگه بوزغونچ و سلبی تأثیر قالدیره‌دی» دیب معلوم قیلگن.
شونینگ‌دیک جمهورلیک سرایی اجتماعی ترماقلردن ایش آله‌دیگنلردن «تحریف بولگن و جعل قیلینگن حجت‌لرنی صحیفه‌لریدن کوتریشنی» تقاضا قیلگن و باشقه‌لرگه هم جعل بولگن‌لیگینی بیلدیرسینلردیگن.
جمهورلیک سرایی نینگ یازیشیچه، «بونقه ناتوغری و غلط معلوماتلر» نی جعل قیلیب باشقه‌لرگه بیریش، اخلاق و قانونأ جعل‌کارلر باشقه فیس‌بوکده‌گیلردن عذور سورب ترقتگن حجت‌لری جعل ایکن‌لیگینی بیلدیرسینلر.
اعلامیه نینگ کوپه‌یتریشیچه: «یشاوچیلر بیلن قانونی کیلیشک، بیراوگه حرمت بیریش، اجتماعی ترماقلرده اخلاقنی نظرده توتیش و باشقه‌لر حقیگه تشبث بولمس‌لیگی بیلن ایرکینلیک‌دن آچیق فضاده بیرگه لیکده فایده‌لنیشگه» اولگوریشنی توصیه قیلگن.
افغانستان جمهورلیک سرایی کوپلب اعلامیه‌لری و جمهور رییس نینگ فعالیتلرینی رسمی فیس‌بوکی آرقه‌لی ترقته‌دی. شو حاضر ارگ نینگ رسمی صحیفه‌سی بیر میلیونگه یقین کوروچی و اوقووچیگه ایگه دیر.
