سلاموطندارنینگ اجتماعی گزارشلری دوامیده، دولتی و نادولتی ادارهلرده جنسی بیزاته قیلینگنلردن آلینگن صحبتلر خاص شکلده برچه صحبت قیلگنلر اسمی مستعار طرزیده؛ لیکن حکایتلری حقیقتدن کیلیب چیقهدی.
گوهر: مین شو کونلرده جنسی اذیتلرگه روپهره من. دولتی ادارهلردن بیریده ایشلهیمن و باشیم ایشیم بیلن. دیمک هیچ کیمگه ایشیم یوق، بیراق کونده دفتر ایشچیلریدن نیچه کیشی آلدیمگه کیلیب خلقت ییتکیزیب و فکریم بیلن اوینهیدیلر. آغزیلریگه نیمه کیلسه ایتهدیلر. مینی اویَلتیریش اوچون بیر- بیراوی بیلن بلند- بلند جنسی صحبت قیلهدی. بیر مرته اوشبو کیشیلرنی بیریدن سورهدیم، نیمه اوچون مینی مونچه آزار بیرهسیزلر؟ سیزلرنینگ آنه و سینگلیلرینگیز یوق می؟ جوابیمگه مینی آنم بیلن سینگلیم عذت- آبرولی و اویدن چیقمهیدی، سین دیک حیاسیز ایمس تَن ساتیب و عیاشلیک بیلن پول تاپمهیدی دیدی.
سارا: ایکینچی صنف ادبیات اوقووچیسی ایدیم. یخشی درس اوقیب و یوقاری نمره آلردیم. بیراق، بیلیم یورت استاذلریدن بیرینینگ دوستلیک تکلیفینی رد ایتگنیمدن کیین، مضمونیگه ناکام قالدیم. گیج بولگندیم. اصلده بیلمهدیم چونکه سیناونی کوپ یخشی اوتکزگندیم، نیمه اوچون ناکام قالدیم. استاذگه قونغیراق قیلدیم؛ ایرته دفترگه کیل دیدی. دفترگه کیردیم، ایشیکنی یاپدی، قولیمدن توتیب یوزیمگه بیر سیلی اوردی، حاضر مینی قوچاغینگگه آلهسن یا-ده آنت ایچهمن بیلیم یورتدن چیقارهمن دیدی. مین عزت و آبرومدن قورقیب سیس چیقارمهدیم. اورنیمده قوریدیم. قولیمنی قیسیب قوچاغیمگه آلیشیمنی طلب قیلدی. کوزیمگه یاش حلقه تارتدی و قولیمنی قوییب یوباریشینی سورهدیم. اوندن کیین، امیدسیزلیکده استادنینگ دفترینی ترک قیلدیم. نیچه کوندن کیین خبر بولدیمکه بیلیم یورت استادلرینینگ کیلیشووی اساس، نامعلوم دلیل بیلن بیلیم یورتدن چیقاریلدیم. اوشبو شرفسیز استاد مینی یمانلهدی و برچه دوستلریم اطرافیمدن کیتدی.
ستاره: مین بیلیم یورتنی کمبغل اوقووچیلریدن بیری ایدیم. اقتصادی وضعیت یخشی بولمهگنی باعث، درس جریانیده ایش قیلردیم. اوشبو مسئله باعث، ایریم کونلر درسگه ییتیشه آلمسدیم. تکرار حاضر سیزلیکدن ادارهگه شکایت بولدی و بیلیم یورت باشلیغی مینی دفتریگه چقیریب، سینی اقتصادی مشکلینگ بار، یالغیز سیناو کونلریده کیل دیدی. حیرتلنیب حزللشهسیز دیدیم، یوق بو معاملهده سین هم بیر نرسه ساتگین دیدی. نیمهنی دیدیم؟ جوابیمگه حاضرسیز کونلری بدلیگه بیر مرته مین بیلن بول دیدی. مین اصلده بیر قری آدمدن بونده ی بیر نرسهنی کوتمسدیم، تیزلیکده دفتریدن چیقیب و ینه هیچ قچان اوشه بیلیم یورتگه قیتمهدیم. قولَیلیکده دایما تحصیلنی ترک ایتدیم.
