.jpg)
بغلان ولایتینینگ محل بلند مرتبهلی رسمیلری، مرکزی بغلان تومنینینگ چهارشنبهتپه منطقهسیده بیر ایرکک تورموش اورتاغینی تیشهلَب اولدیرگن لیگی بارهسیده خبر بیر دیلر. مرکزی بغلان تومنینینگ حاکمی محباللهنینگ سلاموطوندارگه بیرگن صحبتده، مذکور ایرکک دوشنبهدن سهشنبهگه اوترکیچهسی آنهسی بیلن بیر قول بولیب، تورموش اورتاغی جانیگه قصد قیلگن دیدی.
حادثه عایلهوی زوروانلیکدن کیلیب چیققنلیگینی تیلگه آلگن جناب کوهستانی، اولدیریلگن خاتیننینگ تورموش اورتاغی همده قیین آنهسی پولیس تامانیدن حبسگه آلینگن دیدی. حبسگه آلینگنلر دستلبکی تیرگاوده عیبلرینی تَن آلگن دیدی جناب کوهسانی.
مرکزی بغلان تومنینینگ ولسوالی، اولدیریلگن عیال بوندن اوچ کون آلدین پولیس قوماندانلیگیگه مراجعه قیلیب، تورموش اورتاغینینگ قولیدن شکایت قیلگن ایدی دیدی.
بغلان محلی مسووللری، ولایت پولیس ادارهسی بو توغریده تیرگاو باشلهگن، دستلبکی تیکشیرولر اوتکزیلگندن سونگ دوسیه باشقرهلاوچلیککه جونه تیلهدی دیگنلر.
بغلان خاتین – قیزلر ایشلر بوییچه ریاستنینگ حقوق مدیری اورانوس عاطفینینگ سلاموطندارگه معلوم قیلیشیچه، بوندهی حادثهلر نابرقرالیک همده دولت حاکمیتی ضعیف لیگیدن کیلیب چیقه دی دیگن. اونینگ سوزلریگه کوره، جاری ییل باشلگندن بیری عیاللرگه قرشی یوز بیرگن 118 مورد رویخطگه آلینگن.
بوندن اوچ کون آلدین هم ولایتنینگ نهرین تومنیده بیر ایرکک خاتینی همده اوچ یاشده بولگن گودگینی رخصتسیز آتهسینینگ اوییگه کیتگنلیکده عیبلب ساچینی قیریب تشلهگن ایدی.
