قندوز ولایتینینگ آلتی تومنینی اوقیتووچیلریدن یوزلرچهسی، 5 آیدن بویان آیلیکلری توللنمهگنی باعث، ناراضیلیک بیلدیریب مکتبلرنی یاپگنلر. اولرنینگ ایتیشیچه، آیلیکلری توللنمه گونگهقدر، مکتبلرنی آچمهیدیلر.
بیراق، قندوز ولایت کینگشی اعضاسی امرالدین ولینینگ ایتیشیچه، اعتراضچی اوقیتووچیلر طالبلر تامانیدن بو ایش گه ترغیب ایتیلگن. جناب ولی گه کوره، قندوز معارف ریاستینینگ مسؤوللری هم بو ایش گه زمینه یرهتگن.
قندوز معارف ریاستی سرپرستی محمدرستم احمدینینگ اییتشیچه، اوقیتووچیلرنینگ ایستهگی و شفافیت ایجاد ایتیلیشی اوچون معارف ریاستی اوقیتووچیلرنینگ آیلیکلری بانک آرقهلی اجرا ایتیلیشی گه قرار قیلگن.
قندوز ولایتیده توپلم شکلده 507 مکتب موجود و بو جملهدن 121 مکتب مرکزده فعالیت قیلهدی، بیراق باشقهسی قندوز تومن لریده بولیب و 10 کوندن بویان یاپیلگن. آیلیکلری توللنمهگنی سبب، مکتبلرنی یاپیب اعتراض بیلدیرگن اوقیتووچیلر، کوپینچه منطقهلری طالبلرنینگ اختیاریده بولگن تومنلردن بولگن.
