عراق‌لی خبر گزارلر روسیه خبر گزارلیگی‌دن نقل قیلیشیچه، داعش گروهی رهبری بولمیش ابوبکر بغدادی‌نینگ تن جراحت آلیشی بیلن اولگن‌لیگی‌نی تصدیقله‌گن. مذکور رسانه‌لرگه کوره، جهانی ائتلاف هوایی کوچلری‌نینگ هجومی نتیجه سی‌ده بغدادی تن جراحت آلیب اولگن.
گزاریش‌لرگه کیلیشیچه، بغدادی سوریه‌نینگ رقه شهری‌ده دنیادن اوتگن. امیریکه‌لیک «نیو یورو ویک » مجله سی‌ده کیلیشیچه، داعش اعضاسی ابوعلاالعفری بیلن بیعت قیلگن. اما حاضرگه قدر، امیریکه حربی رسمی‌لری بو توغری‌ده بیر نرسه دیمه‌گن.
اسلامی گروه رهبرلیک اعضاسی حاضرگه قدر بو توغری‌ده بیر نرسه دیمه‌گن. آتی توتیلیشی‌نی ایستمه‌گن عراق موصل شهر یده‌گی منبع‌نینگ عرب رسانه سی‌گه ایتیشیچه، داعش باشلیغ‌لری ابوعلاالعفری بیلن بیعت قیلماق‌ده. ابوبکر بغدادی‌گه تانیلگن ابراهیم عواد ابراهیم البدری القرشی السامرایی دیگن کیشی نیچه ییل‌دن بویان، داعش رهبرلیگی‌ده تنلنگن ایکن.
امیریکه دولتی ابوبکر بغدادی‌نی تاپیش توغری سی‌ده معلومات بیرگن کیشی‌گه 10 میلیون دالر ساووینچی تعین قیلگن ایدی.
