قطرده آمریکا و طالبان نمایندهلری آرهسیده یولگه قوییلگن 7- دور سوزلشوولر ایکی موضوع توغریسیده کیلیشیلیب 6- کون گه کیردی.
قطرده طالبان سیاسی دفتری سوزلاوچیسی سهیل شاهین نینگ سلاموطندارگه ایتیشیچه، اوتگن کون اوشبو ییغین اشتراکچیلری ایکی موضوع توغریسیده کیلیشگن و ایکی تامان برچه موضوعلر توغریسیده کیلیشگونگهقدر 7- دور سوزلشوولرینی تفصیلاتی میدیالر بیلن شریک قیلینمهیدی.
قطرده طالبان گروهی نینگ سیاسی دفتری سوزلاوچیسی گه کوره، افغانستاندن چیتایللیک کوچلرنینگ چیقیش حجتی نهایی بولگن صورتده، طالبان گروهی نینگ نمایندهلری آمریکا نمایندهلری بیلن کیلیشیشلری ممکن.
جناب شاهین نینگ کوپهیتیریشیچه، بو موضوع نهایی بولگن صورتده، ییغین ایرته هم دوام ایتیشی یا-ده سوزلشوولر 8- دور گه کیتیشی بیللی ایمس دیر.
7- دور تینچلیک سوزلشوولری «شنبه» کون افغانستان تینچلیک لایحهسی بوییچه آمریکانینگ خاص نمایندهسی زلمی خلیلزاد و طالبان گروهی نینگ نمایندهلری آرهسیده قطرنینگ دوحه شهریده باشلندی.
حاضرگه قدر آمریکا و طالبان نمایندهلری آرهسیده 7 دور ییغین اوتکزیلدی؛ اوشبو ییغینلرنی 6 دوری قطرده و بیر دوری بیرلشگن عرب امیرلیگی نینگ ابوظبی شهریده اوتکزیلدی.
شو توغریده:
