نمایندهلر کینگشی اعضالریدن بیرقطاری، نیچه هفته آلدین ملی خوفسیزلیک عمومی باشلیغی معصوم استانکزینینگ استیضاحی توغریسیدهگی حجت گه قول قویگنلر و کیلهجک هفته چهارشنبه کون، جناب استانکزی استیضاح ایتیلیشی توغریسیده قرار قیلینگن.
بیراق، نمایندهلر کینگشی اعضالریدن باشقه بیرقطاری، بوگونکی ییغینده ملی خوفسیزلیک عمومی باشلیغی استیضاح ایتیلیشی توغریسیده آلینگن قرارنی نمایندهلر کینگشینینگ ایچکی قاعدهسی و قانون گه قرشی دیب بیلهدیلر. اوشبو نمایندهلرنینگ ایتیشیچه، ملی خوفسیزلیک عمومی باشلیغینینگ استیضاح قیلیش موضوعی عقدهیی شکلده لایحه گه شامل بولگن.
محمداکبر استانکزینینگ ایتیشیچه، ملی خوفسیزلیک عمومی باشلیغی استیضاح ایتیلیشی خصوصیده، نمایندهلر زوردن امضاء ییغیشگه حاضر بولگنلر.
نمایندهلر کینگشی اعضالریدن باشقه بیری عبیدالله بارکزی، ملی خوفسیزلیک عمومی باشلیغی استیضاح ایتیلیشی توغریسیده بولهدیگن سعی و حرکتلرنی عقدهیی دیب ایتیشیچه، جناب استانکزینینگ استیضاح قیلیش موضوعی اوتگن کون نمایندهلر کینگشی کمیتهلری باشلیغلرینینگ کوپینچه آوازینی قولگه کیریته آلمهگن. جناب بارکزیگه کوره، اوتگن کونگی ییغینده، نمایندهلردن 15 تهسی اعتراض شکلده ییغیننی ترک قیلگنلر، بیراق یالغیز بیش نماینده باسقینلر نتیجهسیده، ملی خوفسیزلیک عمومی باشلیغینینگ استیضاح موضوعینی لایحه گه شامل قیلگنلر.
عین حالده، ملی خوفسیزلیک عمومی باشلیغینینگ استیضاحیگه قرشی نمایندهلرنینگ جوابی گه نمایندهلر کینگشی باشلیغی عبدالرؤوف ابراهیمینینگ ایتیشیچه، استیضاح حجتی 48 نمایندهنینگ امضاءسیدن سونگ، تیارلنگن و بو حجتنی قانون و ایچکی وظیفه قاعدهسیگه قرشی بیلگن نمایندهلر قانون اساسیده، قرشیلیک بیلدیریشلری کیرهک.
شونینگدیک، بوندن آلدین ییریک ادارهلرنینگ باشلیغلرینی استیضاح قیلیش موضوعی نیچه مرته نمایندهلر کینگشیده بحث گه آلینگن. اساسی قانون تطبیق ایتیلیشینی نظارت قیلیش کمیسیون معلوماتی اساسیده، وزیرلرنی سوراقلماق، ییریک ادارهلر جملهدن ملی خوفسیزلیک ریاستی، قیزیل عاج، افغانستان بانکی، باش قارهلاوچیلیک و باش محکمه باشلیغلرینینگ استیضاح قیلیش نمایندهلر کینگشیدن ایشانچ آوازی آلگنلری سبب، قانونی ایمس دیر.
