سیلاولر ایرکین کمیسیونی‌نینگ ایتیشیچه، قیشلاق‌لرده آواز بیرووچیلرنینگ رویخط‌گه آلیش جریان‌نینگ اوچینچی باسقیچی قیته تیکله‌نیشی ممکن.
سیلاولر ایرکین کمیسیونی‌نینگ زمان بندلیگی اساسیده، آواز بیرووچیلرنینگ رویخط‌گه آلیش جریان شهرلر، تومن‌لر و قیشلاق‌لرده اوچ باسقیچ‌ده 25 حمل‌دن باشلب و 22 جوزا ده یکونله‌نیشی ممکن.
بیراق اشتراک قیله‌دیگنلرنینگ رقمی کم بولگنی سبب کمیسیون اوشبو لایحه‌نینگ بیرینچی و ایکینچی مرحله‌سینی تمدید قیلگن.
سیلاولر ایرکین کمیسیونی‌نینگ مالی و اداری اورین باسری معاذالله دولتی‌نینگ سلام وطندارگه ایتیشیچه، اوشبو لایحه‌نینگ اوچینچی مرحله‌سی‌نینگ تمدید ایتیلیش احتمالی بار دیر.
جناب دولتی‌گه کوره، سیلاولر ایرکین کمیسیونی‌نینگ اعضالری آره‌سیده اوشبو توغریده سوزلشولرنینگ دوامی بار و اوشبو لایحه‌نینگ تمدید ایتیلیشی سیلاو تقویم‌ی اوستیده تاثیر قیلمه‌گن حالده، کمیسیون اونینگ تمدید قیلیشی ممکن.
سیلاولر ایرکین کمیسیونی رقمی‌گه کوره، حاضرگه‌قدر شرایط‌که ماس بولگن 5 یرم میلیون کیشی آت لرینی رویخط‌که یازدیرگن.
فیفا سازمانی‌نینگ باشلیغی یوسف رشیدنینگ ایتیشیچه، آواز بیرووچیلرنی رویخط‌که آلینیش لایحه اوچینچی مرحله‌سی‌نینگ تمدید ایتیلیشی نیاز دیر و کمیسیون تامانیدن بیریلگن رقم‌لر توقع‌لرگه قرشی دیر.
جناب رشیدکه کوره، اهالی‌نینگ معلومات سیزلیگی، اولرنینگ سیلاولر ایرکین کمیسیونی اوستیده اعتمادی بولمه‌گنی و ناتینچلیکلر اهالی‌نینگ سیلاولر لایحه‌سیگه اشتراک قیلیش رقمی‌نینگ کم بولگنی گه اصلی دلیل دیر.
فیفا باشلیغی‌گه کوره، سلاولر ایرکین کمیسیونی و جمعیت‌نی رویخط‌گه آلیش اداره آره‌سیده هماهنگ‌لیک بولمه‌گنی اوشبو لایحه گه قرشی قیین‌چیلیک یره‌تگن.
عین‌حالده جمعیت‌نی رویخط‌که آلیش اداره سوزلاوچیسی روح الله احمدزی‌نینگ سلام‌وطندارگه ایتیشیچه، دلو آی دن حاضرگچه 4 یرم میلیون کیشی کیم‌لیک قولگه کیلتیرگن‌لر و آواز بیریش گه ماس بولگن و بولمه‌گنلر رقم گه شامل دیر.
جناب احمدزی‌گه کوره، کیم‌لیک آلگن‌لردن کپینچه‌سی آواز بیریش گه ماس دیر؛ بیراق اولردن بیللی رقم قولگه یوق دیر.
جمعیت نی رویخط‌گه آلیش اداره سوزلاوچیسی‌گه کوره، مملکت 10 میلیون یشاوچیسی‌گه کیم‌لیک توزیع ایتیش اوچون اوشبو اداره‌نینگ تیارگرلیگی بار.
جمعیت‌نی رویخط‌گه آلیش اداره مسووللریگه کوره، ناتینچلیکلر سبب بوتون مملکت‌ده 20 تومن مذکور اداره‌نینگ فعالیتی‌دن ایری قالگن.
