افغانستاندن شوروی کوچلرینینگ 30- ییل چیقیشی خصوصیده جمهور رییس غنینینگ بیر ویدیویی پیام آرقهلی ایتیشیچه، افغانستان یشاوچیلری تینچلیک ایستهیدی، بیراق نیچه کونلیک تینچلیک ایستمهیدی. اونینگ ایتیشیچه، نیچه کونلیک تینچلیکده عیاللر، یاشلر و محروم طبقهلر نظرگه توتیلمهیدی.
جمهور رییسنینگ شوروی کوچلرینی افغانستاندن چیقیشیگه اشاره قیلیب ایتیشیچه، افغانستان یشاوچیلری اوپیتده آوازلریدن قولهنیش بیلن دلخواه نظامگه قول تاپیشنی ایستهریدی، «بیر اوروشدن سونگ باشقه اوروش باشلهنشینی ایستمهریدی.» اونینگ ایتیشیچه، بیگانهلر تحریکی بیلن ملی و امنیتی نهادلرنی ضعیف قیلیشنی ایستهگنلر، تینچلیک، ثبات و قانون حاکمیتیدن قورقهدیلر.
اوشبو مراسم جمهورلیک ریاستیده یولگه قویلگن ایدی، جمهورلیک ریاستینینگ ایکینچی اورین باسری محمدسرور دانشنینگ تینچلیک سوزلشوولرده اشاره قیلیب ایتیشیچه، تینچلیک ریجهسیده افغانستان یوتوقلیکلرینی نظرگه آلینیشی کیرهک.
اونینگ تاکید قیلیشیچه، جهاد دوری افغانستان سیاسی تاریخیده افتخارلی دوره دیر. جناب دانشنینگ کوپهیتیریشیچه، افغانستان یشاوچیلری بیرلیک بولگن زمانلرده، موفق بولگن لر و متفرق بولگن زمانلرده شکست بیلن دوچ کیلگنلر. اونینگ ایتیشیچه، تاریخ تکرار ایتیلهدی و حاضرده جدی سیاسی و ملی بیرلیککه نیازیمیز بار.
جناب دانشنینگ تاکید قیلیشیچه، موقت دولت ایجاد ایتیلیش ینهبیر مرته نظام توزهتیشگه نقطه قویش دیر. اونینگ تینچلیک سوزلشوولرده اشاره قیلیب ایتیشیچه، «طالبلر اساسی قانونینی قبول قیلمهیدی و بوقانونی غربیلردن کاپی قیلینگن دیدی، بیراق اوزلری چیتایللیکلرگه تیگیشلی دیر.»
.jpg)
سرور دانشنینگ کوپهیتیریشیچه، افغانستان دولتینینگ حضوری بولمهگن تینچلیک سوزلشوو نیتجه بیرمهیدی.
جمهورلیک ریاستینینگ ایکینچی اروین باسرینی سیلاو قانونیگه اصلاحات کیریتیش خصوصیده اشاره قیلیب ایتیشیچه، سیلاو قانونی گه اصلاحات کیریتیش قراری، جمهورلیک ریاستی نامزدلری، سیاسی حزبلر، مدنی نهادلر و حکومت ییغینی اساسیگه آلینگن.
ملی بیرلیک حکومتینینگ اجراییه باشلیغی عبدالله عبداللهنینگ بو مراسمده ایتیشیچه، مملکت استقلالیتی، اساسی قانونی، یشاوچیلر حقوقی و افغانستان نهادلری تینچلیک سوزلشوولرده معامله بولمهیدی.
اونینگ چیتایللیک کوچلرنینگ چیقیشی خصوصیده ایتیشیچه، «افغانستان جهادی تروریسمدن مبرا ایدی. عصیانچیلر بیلن رابطهمیز یوق ایدی. بیر روس عسکرینی اولدیریش اوچون یوزلرچه گناهسیز انسانلرنینگ هلاک ایتیلیشینی ایستمهریدیک. عصیانچی گروهلر دینی و انسانی ارزشلرگه قرشی دیر و هر ییرده محکوم ایتیلیشی کیرهک.»
اونینگ کوپهیتیریشیچه، افغانستان یشاوچیلرینینگ کوپینچه قربانلیکلری باعث، شوروی کوچلری اوشبو مملکتدن چیقگن.
1388- ییلده افغانستان دمکراتیک خلقی، شوروی سوسیالیست بیرلشمهسی، آمریکا و پاکستان آرهسیده تینچلیک شرطنامه امضا ایتیلگن و شوروی کوچلری افغانستاندن چیقیشینی باشلهگن و 1389 – ییل 15 فبرویده جماهیر شوری سونگی کوچلرینینگ افغانستاندن چیقیشینی اعلان قیلگن.
