جنوبی و مرکزی آسیا ایشلری بوییچه آمریکا تشقی ایشلر وزیرلیگی اورین باسری الیس ویلز نینگ ایتیشیچه، بایومتریک‌لی آوازلر سنه‌لیشی خصوصیده سیلاو ایرکین کمیسیون‌لری قراریدن حمایت قیله‌دیلر.
خانم ویلز بوگون "چهارشنبه" کابلده سیلاو ایرکین کمیسیون‌لری مسووللری بیلن اوچره‌شیب اولردن سیلاو بیللی و توغری ارقامی‌نی ترقه‌تیش بیلن سیلاوگه قرشی اهالی ایشانچ‌لرینی کوپه‌یتیریش اوچون سعی و حرکت قیلیش‌لرینی سوره‌گن.
جنوبی و مرکزی آسیا بوییچه آمریکا تشقی ایشلر وزیرلیگی اورین باسری نینگ کوپه‌یتیریشیچه، خلق ارا جماعه‌سی جمهورلیک ریاستی نامزدلریدن اوین قاعده‌سیگه حرمت قیلیش‌لرینی سورب و نهایی نتیجه نینگ سیلاو ایرکین کمیسیونی تامانیدن اعلان ایتیلیشیگهقدر کوتیش‌لرینی ایسته‌گن.
خانم ویلزنینگ ایتیشیچه، محمداشرف غنی، عبدالله عبدالله، سیلاو ایرکین کمیسیونی و سیلاو نظارتچی‌لری بیلن اوچره‌شووده سیلاو ده تینیق‌لیک تامین ایتیلیشی اوچون سعی و حرکت قیلیش‌لرینی سوره‌گن.
او افغانستان حکومتی مسووللری بیلن اوچره‌شووده، اداری فسادگه قرشی کوره‌ش خصوصیده افغانستان حکومتی‌نینگ کوپراق فعالیت قیلیشی کیره‌ک دیگن.
جنوبی و مرکزی آسیا ایشلری بوییچه آمریکا تشقی ایشلر وزیرلیگی اورین باسری نینگ کوپه‌یتیریشیچه، افغانستان حکومتی نینگ سونگی حرکت‌لرده تینچلیک لایحه‌سینی تیکشیریب و زوره‌وانلیک‌لرنی یکون‌لنتیریش اوچون سیاسی حل یول تاپیشی کیره‌ک.
خانم ویلز نینگ ایتیشیچه، حکومت، افغانستان یشاوچی‌لری، بویوکلر، خصوصی موسسه‌لر، قوم بویوکلر و مدنی فعاللرنی تینچلیک تامین ایتیلیشی خصوصیده یاردم بیریشی کیره‌ک.
