جمهورلیک ریاست سیلاوی یولگه قوییلیشی گه کمیده 40 کون قالگن بیرچاغده، طالبان گروهی چاریکار شهریده شبنامه نشر قیلیب اهالی نینگ آگاهلنتیریشیچه، سیلاوده اشتراک قیلگنلریده مذکور گروه نینگ هجومی گه دوچ کیلهدیلر.
چاریکار شهریده مسجدلرنینگ دیوارلریده طالبان گروهی تامانیدن قیستیریلگن شبنامهلرده یازیلیشیچه، سیلاو کافرلیک بیر جریان دیر و اهالی اونده اشتراک قیلمهسی کیرهک.
طالبان گروهی نینگ آگاهلنتیریشیچه، پروان ولایتی شامل افغانستان بویلب آواز بیریش مرکزلر هدف آلینهدی و اهالی بو هجوملردن ساغلام قالیشی اوچون آواز مرکزلری گه بارمسلری لازم.
بیراق، پروان امنیتی مسؤوللری نینگ ایتیشیچه، طالبان گروهی سیلاونی برهم اوره آلمهیدی.
سلاموطندارگه صحبت بیرگن پروان پولیس قومندانی محمد محفوظ ولیزاده نینگ ایتیشیچه، طالبان گروهی اهالی فکرینی بوزیش اوچون بو ریکلام نی یولگه قویگن.
پروان ولایتیده سیلاو ایرکین کمیسیونی نینگ ولایتی دفتری باشلیغی عبدالقادر وهاب صافی نینگ ایتیشیچه، طالبان گروهی بوندن آلدین اوتکزیلگن سیلاولرده هم اهالی نی سیلاوده اشتراک قیلمسلری توغریسیده آگاهلنتیرگن ایدی، بیراق بو تهدیدلر هیچ ییرگه ییتمهدی.
طالبان گروهی بوندن آلدین هم خبرنامه ترقهتیب جمهورلیک ریاست سیلاوی نی تحریم قیلیب و ایتیشیچه، بو سیلاو چیتایللیک کوچلرنینگ حضوریده هیچ معنا بیرمهیدی و بو گروه آواز بیریش مرکزلرنی هدف قرار بیرهدی.
