تخار ولایتینینگ یشاوچیلریدن مینگلرچهسی حمایت قیلگن نامزدلری نمایندهلر کینگشی سیلاویده یوتوققه ایریشگن نامزدلرنینگ دستلبکی رویخطده یول تاپمهگنلری سبب، اعتراض بیلدیرگنلر.
اوشبو اعتراضچیلر سیلاولر کمیسیونیدن تخار ولایتیده نمایندهلر کینگشی سیلاوینینگ آوازلرینی قیته سنهشینی سورهگنلر.
اولر سیلاولر کمیسیونلرینینگ دفترلرینی باغلب ایتیشیچه، ایستکلریگه ایجابی جواب بیریلگونگهقدر اعتراضدن قول تارتمهیدیلر.
دستلبکی رویخطده یول تاپمهگن نامزدلر، دادخواهلیک اوچون بیر تیم ایجاد قیلگن.
اولرنینگ ایتیشیچه، عدالتسیزلیککه قرشی توریب و مسؤوللردن تنیق آوازلرنی تقلبی آوازلردن اجرهتیشلرینی سورهیدی.
اعتراضچی نامزدلرنینگ آگاهلنتیریشیچه، ایستکلریگه دقت قیلینمهگن صورتده، تخارده ولایت حاکمینینگ دفتری و باشقه حکومتی ادارهلرنی باغلهیدیلر.
بو توغریده سیلاولر کمیسیونلرینینگ فکرلرینی اورگنماق اوچون علاقه قوردیک؛ بیراق مذکور کمیسیونلرنینگ مسؤوللریدن هیچ بیری صحبت بیریشگه حاضر بولمهدیلر.
