هرات، فراه، جوزجان، سرپل و خوست ولایتلری نینگ بیرقطار مدنی فعاللری و ولایتی کینگش اعضالری، جمهورلیک ریاستی نامزدلری نینگ قانونگه قرشی عمل قیلیشلریدن تنقید قیلگنلر. اولرنینگ ایتیشیچه، مذکور ولایتلرده بیرقطار دولت ایشلاوچیلری و ییریک مقاملری دولت امکانیتلریدن فایدهلنیش بیلن دولت قورووچی تیم منفعتیگه کمپاین قیلهدیلر و گاهگاهی دولت ایشلاوچیلرینی زوردن سیلاو کمپاینلریگه آلیب بارهدیلر.
اولرنینگ کوپهیتیریشیچه، اوشبو ایش کوپراق ینگی استخدام ایتیلگن کیشیلر تامانیدن صورت تاپهدی.
هرات ولایتی کینگش اعضاسی مهدی حدید نینگ ایتیشیچه، حکومت ایشلاوچیلریدن بیرقطاری کرسیلرینی سقلش اوچون دولت قورووچی تیم منفعتیگه کمپاین قیلهدیلر.
هرات یشاوچیلریدن بیری عارفه صبوری نینگ ایتیشیچه، بیرقطار حاکملر و قومندانلر سیلاو تیملریدن بیری نینگ منفعتیگه کمپاین قیلهدی و اولرنینگ بو حرکتلری سیلاو تینیقلیگینی سوراق بیلن دوچ قیلهدی.
فراه ولایتیده هم بیرقطار حکومتی چهرهلر دولت قورووچی تیم منفعتیگه فعالیت قیلهدی. فراه مدنی فعاللریدن بیری جاوید تابش نینگ ایتیشیچه، دولت ایشلاوچیلریدن بیرقطاری دولت قورووچی تیمگه کمپاین قیلهدی.
سرپل ولایتی کینگش باشلیغی محمدنور رحمانی نینگ ایتیشیچه، بو ولایتده دولت ایشلاوچیلریدن بیرقطاری دولت قورووچی سیلاوی تیمی منفعتیگه فعالیت قیلهدی و دولت ایشلاوچیلرینی زوردن کمپاینگه آلیب بارهدیلر.
جوزجان ولایتیده هم بیرقطار دولت ایشلاوچیلری سیلاو تیملریگه کمپاین قیلهدی. جوزجان مدنی فعاللریدن بیری حاجی عبدالقادر فولاد نینگ ایتیشیچه، بو ولایتده بیرقطار دولت ایشلاوچیلری سیلاو کمپاینلریده اشتراک قیلهدیلر و گاهگاهی هم اجتماعی ترماقلر آرقهلی سیلاو نامزدلریگه کمپاین قیلهدی.
شونینگدیک، خوست ولایتیده هم محلی مسووللر دولت قورووچی سیلاو تیمی منفعتیگه فعالیت قیلهدی.
خوست مدنی فعاللریدن بیری حبیبالله کامران نینگ ایتیشیچه، ولایت حاکمی شامل بیرقطار دولت ایشلاوچیلری دولت قورووچی تیم منفعتیگه کمپاین قیلهدی و اهالیدن جناب غنی گه آواز بیریشنی ایستهیدی.
بیراق، بو ادعالر دولت قورووچی سیلاو تیمی تامانیدن رد ایتیلهدی. دولت قورووچی سیلاو تیمی سوزلاوچیسی جاوید فیصل نینگ ایتیشیچه، دولت قورووچی سیلاو تیمی تینیق بیر سیلاو یولگه قوییلیشینی ایستهیدی.
بوندن آلدین تشقی ایشلر وزیرلیگی سرپرستی صلاحالدین ربانی، تینچلیک عالی کینگشی باشلیغی محمدکریم خلیلی، جمهورلیک ریاستی مصلحتچیسی شاهحسین مرتضوی و کابل بیلیم یورتی باشلیغی حمیدالله فاروقی سیلاو اصولیگه دقت قیلمهگنی باعث، سیلاولر شکایتلرینی تینگلش کمیسیونی تامانیدن جریمه ایتیلگن ایدیلر.
شوتوغریده…
