آلمان نینگ دورتموند شهریده افغانستان‌لیک بیر مهاجر 13 یاشر بیر قیزنی جنسی زورلش‌گه عیب‌لنگن.
آلمان میدیالری نینگ گزارش‌لریگه کوره، مذکور افغانستان‌لیک مهاجر هویتی بیللی بولمهگن 13 یاشر بیر قیزنی اوز اویگه آلیب بارگنیدن سونگ، جنسی زورلگن.
آلمان پولیس نینگ ایتیشیچه، اوشبو افغانستان‌لیک یاش جاری نینگ جون آیده 11 یاشر بیر قیزنی اذیت قیلگن ایدی، بیراق ییترلیچه حجت بولمه‌گنی سبب، محکمه تامانیدن قوییب یوباریلگن ایدی.
آلمان یشاوچی‌لریدن بیرقطاری نینگ ایتیشیچه، مذکور کیشی نینگ بیرینچی دوسیه‌سی جدی شکلده تیکشیریلمه‌گنی سبب، ایکینچی واقعه یوز بیرگن.
آلمان نینگ نوردراین-وستفالن ایالتی بوییچه مهاجرلر وزیری یواخیم استامپ، اوشبو مهاجرنینگ جزالنتیریلیشی‌نی ایسته‌گن. اونینگ ایتیشیچه، جرمی دوسیه‌لری بولگن مهاجرلر سورگون قیلینه‌دی.
آلمان قانونی‌گه کوره، اوشبو مملکتده جنسی زوروانلیک‌که عیب‌لنگن کیشی‌لرنی هیچ‌قنده‌ی مصونیتی یوق و بونده‌ی جرم‌گه عیب‌لنگن مهاجرلر بوتون مهاجرلیک حقوقلرینی قولدن بیره‌دی.
سلام‌وطندارنینگ معلوماتی‌گه کوره، مذکور افغانستان‌لیک مهاجر 23 یاشر دیر و آلمان‌ده اقامت قیلیش مدرکی‌نی قولگه کیریتگن.
شونینگدیک، آلمان بیرقطار سیاسی جریان‌لری، جنسی زوروانلیک‌که قرشی باله‌لردن حفاظت قیلینیشی‌نی سوره‌گنلر.
رسمی ارقام‌لرگه کوره، 2019 ییلدن 2020- ییل نینگ جون آی گچه عیال‌لرگه قرشی 69 مینگ واقعه آلمان ده قید ایتیلگن.
