افغانستان عیاللری نینگ برابریدهگی زوروانلیک، جنسیتی تبعیض و قویی یاشگه تورموش قوریش، اولرنینگ مملکت نی ترک قیلیشلریگه سبب بولگن. اولر تینچ و ایستهگن حیاتلریگه ایریشیش اوچون ناقانونی مهاجرلیک آرقهلی مملکت نی ترک قیلیش گه زورلنگن.
۱۷ یاشر یلدا آته و آنهسینی قولدن بیرگن و آبهسینی نینگ عایلهسیده یشهیدی. اونینگ ایتیشیچه، آبهسی حریص و پول نی یخشی کورهدیگن بیر آدم دیر و اونینگ ۴۰ یاشر بیر ایرکک بیلن تورموش قوریش گه زورلنتیرگن.
اونگه کوره، ایکی یاشی نینگ برابریدهگی ایرکک بیلن حیات کیچیریش کوپ آغیر تمام بولگن و شو یوزهدن شخصی ایرکینلیککه قول تاپیش اوچون ناقانونی مهاجرلیک آرقهلی مملکت نی ترک قیلیش گه قرار آلگن.
یلدا اورتاقلری نینگ همکارلیگی بیلن قاچاقچیلر بیلن تانیشهدی و یالغیزلیک بیلن ایران تامان یول آلهدی.
گرچند بو یولده باشقه ییگیتلر هم بار ایدی، بیراق او یالغیز و یولداشسیز کیتگنی باعث کوپینچه قیینچیلیکلرگه دوچ کیلدی. پیاده یول یوریشدن آچلیک و سووسیزلیک گچه.
یلدا نینگ ایتیشیچه، یول جریانیده قاچاقچیلر اوزگرهدی ایکن و اولرنینگ انتقال بیریش اوچون بیر بیراولریدن پول آلهدی ایکن، یعنی بیر قاچاقچی باشقه بیر قاچاقچی گه اولرنینگ ساتهدی ایکن.
مذکور عیال یول جریانیده کورگن قیینچیلیکلرینی بوندهی بیان قیلهدی: «کوپ اذیت بولدیم، کیچه و کوندوز توختمهسدن قدم اوریدیک. بوندهی دشتلر و تاغلرنی حیاتیم ده هیچ کورمهگندیم. آچلیک و سووسیزلیک نی تحمل قیلدیم. اوز مملکتیم و اوز اوییمده ناتینچ بولگنیم باعث بو قیینچیلیکلرنی باشدن کیچیردیم.»
یلدا کوپینچه قیینچیلیکلر بیلن ایران ییتیشهدی و بیر نیچه پیتدن کیین ترکیه بارهدی. گرچند تقدیر یلدا نی ترکیه گه ییتیشتیرهدی، بیراق حاضر او حیات نی قیینچیلیکلری بیلن کورشهدی و یالغیزلیک و ایشسیزلیک اونینگ عذاب بیرهدی.
اونینگ ایتیشیچه، هردایم شخصی ایرکینلیککه فکر قیلهدی ایکن و ناقانونی مهاجرلیک نینگ قیینچیلیکلرینی باشدن کیچیرگندن کیین، ترکیه گه ییتیشگن و ۴ ییل دن بویان بو مملکتده ایش اَختریب یورگن.
یلدا سوادسیز دیر و شو یوزهدن یخشی معاشلیک ایش تاپه آلمهیدی.
مهاجرلیک معلومات مرکزی مصلحتچیسی فریحه جبارخیل عیاللرنینگ مهاجرلیگی توغریسیده سلاموطندارگه ایتیشیچه، عیاللر یالغیز ناتینچلیک و ایشسیزلیک باعث مهاجرلیک قیلمهیدی، بلکیم عیاللرگه قرشی زوروانلیک و زودن تورموش قوریش هم اولرنینگ مهاجرلیگی گه سبب بولهدی.
مهاجرلیک وزیرلیگی مصلحتچیسی سیدعبدالباسط انصاری نینگ سلاموطندارگه ایتیشیچه، بو وزیرلیک منطقه مملکتلریده یمان وضعیت ده حیات کیچیرهدیگن افغانستانلیک مهاجرلرنی مدیریت قیلیش اوچون سعی و حرکت قیلهدی.
اونگه کوره، حاضر افغانستان یشاوچیلری ترکیه، یونان و اندونیزیا مملکتلریده یمان وضعیت گه حیات کیچیرهدی.
مهاجرلیک وزیرلیگی تامانیدن ترقهتیلگن معلومات اساسیده، حاضر افغانستان یشاوچیلریدن ۶۰۰ مینگ تهسی منطقه مملکتلریده یمان وضعیت گه حیات کیچیرهدی.
اوشبو وزیرلیک مسئوللری نینگ کوپهیتیریشیچه، افغانستان یشاوچیلریدن ۲۵۰ مینگدن آرتیغی اروپالیک مملکتلرگه باریش اوچون افغانستان نی ترک قیلیشگن و اولردن بیر قطاری ترکیه و یونان ده حیات کیچیرماقده.
ناقانونی مهاجرلیککه یوق دیینگ!
شو توغریده:
