مکتب کیتمهگن، دایمی ایشی هم یوق ایکن، عایلهسی نینگ یالغیز نان کیتیروچیسی و کتته اوغلی ایکن. 23 یاشر عبدالستار ایکی ایناغه، آته و آنهسی بیلن بغلان ولایتی نهرین تومنی نینگ قیشلاقلریدن بیری گه حیات کچیرهدی ایکن و اقتصادی قیینچیلیک و ایشسیزلیکدن عذاب گه ایکن. او، بیر آغیز نان تاپیش اوچون ناقانونی مهاجرلیک آرقهلی ایران تامان یول آلدی.
عبدالستار حاضر توپراققه آستیده یاتگن و اونینگ تاغهسینی اوغلی دین محمد عبدالستار حقیده سوزلهیدیگن بیر حالده کوزلری یاشدن تولهدی.
دین محمد نینگ ایتیشیچه، اولر کونیگه 12 ساعت قودوق قازدهدی ایکنلر و 60 متر چقورلیگی بولگن قودوق نینگ ایچی گه یریملری سوو آستیده بولیب، ایش قیلهدی ایکنلر.
دین محمد گه کوره، ایران ده قودوق قازیش قیین ایشلردن بیری دیر کیم یالغیز افغانستانلیکلر او ایشلر بیلن شغللنگن. اونینگ ایتیشیچه، هر کون همکارلریدن بیر یا-ده ایکی تهسی قودوق نینگ ایچیده جان بیرهدی ایکن و شونینگدیک بیر کون عمهسینی اوغلی هم هلاک بولهدی.
دین محمد نینگ ایتیشیچه، عبدالستار بیر آی قودوققه ایشلهگنیدن کیین قتیق کسل بولهدی و کونسایین ساغلیک وضعیتی یمان بولهدی و نهایتده یاز کیچهلریدن بیری گه عایلهسیدن اوزاق جان بیرهدی.
اونینگ ایتیشیچه، پول یوقلیگی باعث عبدالستار نینگ جسدی نی افغانستان گه انتقال بیره آلمهیدیلر. اونینگ کوپهیتیریشیچه: «عبدالستار قوچاغیم گه جان بیردی. او گنگ ایدی. مین هر کیم دن یاردم سورهدیم، هیچ کیم یاردم بیرمهدی. مین 10 میلیون تومان قرض آلیب و عبدالستار نی توپراققه قوییش اوچون بیر قبر نی ساتیب آلدیم و یالغیز اوزیم اونینگ توپراققه قویدیم. انسان گه بوندن آرتیق ظلم بولهدی می؟»
شو توغریده:
- ناقانونی مهاجرلیک؛ معجزهوی شکلده اولیمدن قوتیلگن ییگیت نینگ حکایهسی
ناقانونی مهاجرلیک؛ یالغیز یوتقزووچیسی بولگن قمار
ناقانونی مهاجرلیک؛ بیش کیچه-کوندوز نی اورمان ده اوتکزگن ییگیت
خلقارا مهاجرلیک تشکیلاتی مسئوللری گه کوره، دنیا مملکتلردن کوپینچهسیگه آغیر ایشلرنی مهاجرلر بجرهدی و شونینگدیک کوپینچه مالی و جانی ضرر نی هم مهاجرلر کورهدی.
باشقه بیر تاماندن مهاجرلر وزیرلیگی نینگ رسانه دفتری اعضاسی باهیر خان نینگ سلاموطندارگه ایتیشیچه، ایران ده کوپینچه آغیر ایشلرنی افغانستانلیک مهاجرلر بجرهدی.
اونگه کوره، ایران ده افغانستانلیک مهاجرلردن کوپینچهسی تاش کیسیش، کانلرنی چیقاریش و قودوق قازیش بیلن شغللنگن و اولردن کوپینچهسی قتیق ایشلر جریانیده جان بیرهدیلر. باهیر خان نینگ ایتیشیچه، حکومت بو پروسه نی مدیریت قیلیش و مهاجرلر باشقه قتیق ایشلر بیلن شغللنمهسلیگی اوچون قرار قیلگن.
مملکتده ناتینچلیک، قشاقلیک و اقتصادی قیینچلیکلر باعث ییگیتلردن کوپینچهسی ناقانونی مهاجرلیک آرقهلی مملکتدن تشقی کیتیب و آغیر و قتیق ایشلر بیلن شغللنهدیلر.
