آسیا ترقیات بانکی، بوگون ییل‌لیک اقتصادی گزارشی‌نی نشر قیلیب تخمین ایتیشیچه، افغانستان اقتصادی ترقیاتی 2019- ییل‌ده 2.5% کوپه‌ییشی ممکن.
آسیا ترقیات بانکی تامانیدن بیریلگن رقم‌لر اساسیده، افغانستان اقتصادی ترقیاتی 2018- ییل‌ده 2.2% ایکن.
اوشبو گزارش ده کیلیشیچه، جاری ییل‌ده آب و هوا وضعیتی یخشی بولگنی و ایکینچیلیک ترقیاتی باعث، ییگولیک آذیق-آوقت بهاسی قویی بولیشی ممکن.
بیراق، افغانستان اقتصاد وزیرلیگی‌نی سوزلاوچیسی سهراب بهمن نینگ ایتیشیچه، افغانستان اقتصادی ترقیاتی مملکت وضعیتی یخشی‌لنگنینی کورسته‌دی و بو وزیرلیک نینگ تخمین‌لریگه کوره، اقتصادی ترقیات جاری میلادی ییل‌ده 3% گه ییتیشه‌دی.
اقتصاد وزیرلیگی سوزلاوچیسی نینگ ایتیشیچه، آسیا ترقیات بانکی میلادی 2018- ییل‌ده افغانستان اقتصادی ترقیاتی‌نی 2.2% دیگن و عین حالده، معلومات و حسابات اداره‌سی نینگ رقم‌لری اساسیده، مملکت اقتصادی ترقیاتی اوتگن میلادی ییل‌ده 2.7% بولگن.
افغانستان حکومتی ایچکی صناعت گه دقت قیلگنی، موسوم یامغیرلری کوپه‌یگنی و اوتگن ییل بودجه‌سیدن 93% صرف ایتیلگنی مملکت اقتصادی ترقیاتی‌نی اصلی عامل‌لریدن دییله‌دی.
اقتصاد وزیرلیگی سوزلاوچیسی گه کوره، مملکت اقتصادی ترقیاتی توغریسیده افغانستان حکومتی و مسؤول اداره‌لرنینگ تیکشیروولری و تحلیل‌لریگه کوره، مملکت اقتصادی وضعیتی یخشی بولماقده.
شونینگدیک، آسیا ترقیات بانکی نینگ تیکشیروولریگه کوره، آست قوریلمه‌لرنی ملی برنامه‌لری اساسیده، افغانستان اوچون میلادی 2017- و 2021- ییل‌لر آره‌سیده آست قوریلمه‌لر قوریلیشی اوچون ییل‌ده چمه‌سی بیر میلیارد دالر کیره‌ک بوله‌دی.
