ایران مملکتیدن شیخ ابونصر فراهی بندری آرقهلی نفتی مادهلر، قاره سمنت، تیمیر و کاشی آلیب کیلینیشی منع ایتیلگنی باعث، بوگون "یکشنبه" فراه یشاوچیلری و سوداگرلریدن بیرقطاری، ناراضیلیک نمایش گه قول اورگنلر.
ناراضیلیک نمایش یولگه قویگنلر فراه ولایت مقامینینگ دفترینی اونگیدن ولایتی کینگش گهقدر بولگن یولنی توسیب و آگاهلنتیریشیچه، اولرنینگ ایستکلریگه دقت قیلینمهگن صورتده، مذکور ولایتنینگ قتناو یولینی ترافیک یوزی گه یاپیشلری ممکن.
ناراضچیلرنینگ ایتیشیچه، افغانستان حکومتی، ایران مملکتیدن کیلهدیگن کالالرنی منع قیلیش بیلن میلیونلرچه افغانی مملکت سوداگرلریگه زیان یتیشتیرگن و سوداگرلر مرکزی حکومتنینگ اوشبو حرکتیگه قرشی جیم تورمهیدی.
فراه ولایت کینگشی اعضاسی شاهمحمود نعیمی حکومتنینگ بو حرکتینی اهالیگه قرشی ظلم بیلیب ایتیشیچه، حکومت چیکلاو تعیین قیلیش اورنیده فاسد کیشیلرنی قولگه آلیشی کیرهک.
عینحالده، فراه حاکمینینگ سوزلاوچیسی ناصر مهرینینگ ایتیشیچه، مرکزی حکومتنینگ ایستهگی اساس بو چیکلاو تعیین ایتیلگن و فراه ولایتینینگ محلی حکومتی اوشبو ولایت یشاوچیلرینینگ ایستکلرینی مرکزگه انتقال بیرهدی.
نیچه پیت آلدین جمهورلیک ریاستی مملکت مالیه وزیرلیگی آرقهلی فراه محلی حکومتیگه بیر مکتوب یوللب و ایران مملکتیدن تورت قسم سوداگرلیک توار کیلتیریلیشینی منع قیلگن ایدی.
