بوگون "شنبه" لوگر ولایتیده فواید عامه ادارهسی باشلیغی عبدالولی رئیسینینگ مدیالرگه ایتیشیچه، کابل- لوگر جادهسینینگ ایکینچی بولیمی 25 کیلومتر اوزونلیگیده فواید عامه وزیرلیگی تامانیدن قوریلهدی.
لوگر ولایتی فواید عامه ادارهسی باشلیغی گه کوره، مذکور جاده قوریلیشی گه بیر یریم میلیارد افغانی صرفلنهدی و ایشی 18 آی جریانیده یکونلنهدی.
جناب رئیسینینگ ایتیشیچه، لوگر-کابل جادهسینینگ بیرینچی بولیمینی ایشی هم 18 آی جریانیده یکونلنیب و اوتگن ییل فایدهلنیشگه تاپشیریلگن ایدی.
لوگر حاکمی انورخان اسحاقزینینگ ایتیشیچه، کابل- لوگر جاده سینینگ توزهتیش ایشیدن جدی صورتده نظارت ایتیلهدی و بو جادهنی معیارسیز شکلده توزهتیش اوچون قراردادی شرکتلرگه اجازه بیریلمهیدی.
لوگر حاکمی، محل یشاوچیلریدن رواجلنتیریش پروژهلر خوفسیزلیگینی تأمینلش خصوصیده همکارلیک قیلیشلرینی سورهدی.
عین حالده، لوگر یشاوچیلری، کابل-لوگر جادهسینینگ ایکینچی بولیمینی ایشی باشلهنیشیدن خرسندلیک بیلدیریب و فواید عامه وزیرلیگی رسمیلریدن بو جادهنینگ ایشیدن جدی شکلده نظارت قیلیشلرینی طلب قیلگنلر.
