که څه هم پهدې وروستیو کې د افغان ځواکونو او طالبانو ترمنځ جګړې زور اخیستی، خو ولسمشر محمداشرف غني د کوچني اختر په ورځ اعلان وکړ چې د سولې لویې مشورتي جرګې ته د غوښتنې له مخې به ۸۸۷ طالبان له بنده خوشې کړي.
خو یوشمېر پوځي شنونکي باور لري چې له بندخونو د طالب بندیانو خوشې کول، د جګړې په ډګر کې د افغان ځواکونو پر روحیې ناوړه اغېز کوي.
پوځي شنونکی جاوید کوهستاني وايي، ولسمشر د ټاکنیزو کمپاینونو لپاره د طالبانو په خوشې کولو سره نوې لوبه پیل کړې ده.
نوموړی د ولسمشر وروستی اقدام طالبانو ته امتیاز ورکول بولي او وايي، له زندان نه د طالبانو خوشې کولو مخینه ښيي چې خوشې شوي کسان بېرته د طالبانو لیکو ته ورځي.
په همدې حال کې یو بل پوځي شنونکی میرزامحمد یارمند وايي، که حکومت د طالبانو د خوشې کولو په برخه کې هېوادوالو ته مالومات ور نهکړي، د حکومت د کړنو په اړه به منفي لیدلوری غوره کړي.
یارمند باوري دی چې ټاکنیزو موخو ته د رسېدو لپاره طالبانو ته امتیاز ورکول کومه ګټه نهلري.
خو د ولسمشر د ویاند مرستیال شاهحسین مرتضوي سلاموطندار ته وویل، ډېری بندیان چې ټاکل شوې خوشې شي، په صعبالعلاج ناروغۍ اخته دي، ځينې یې ډېر عمر لري او د یوشمېر نورو د بند موده په خلاصېدو ده.
مرتضوي د بندیانو خوشې کولو موضوع له ټاکنیزو سیالیو سره تړل ناسمه او بېبنسټه بولي.
دا په داسې حال کې ده چې ټاکل شوې یاد طالب بندیان تر راتلونکیو لسو ورځو پورې د افغانستان له زندانونو نه خوشې شي.
