د کندوز امنیې قوماندانۍ ویاند انعامالدین رحماني وايي، طالبانو نن سهار په شینوارو، زرخرید، چرخاب او چهاردرې ولسوالۍ برید کړی چې اوس هم د امنیتي ځواکونو او طالبانو ترمنځ سخته نښته روانه ده.
ښاغلي رحماني وویل، جګړه کې دواړو لوریو ته تلفات اوښتې چې شمېر یې نهدی معلوم.
په ورته وخت کې د کندوز ولایتي شورا مرستیال صفيالله امیري وايي، جګړه د ښار تر دروازو رسېدلې او کندوز ښار کې تراوسه ۲ پوستې سقوط شوي او د ګلتپې ولسوالۍ ودانۍ هم د طالبانو محاصره کې ده.
د هغه په وینا، نښتو کې تر دامهاله ګڼشمېر پوځيانو او ملکيوګړيو ته مرګژوبله اوښتې چې د کندوز روغتون ته لېږدول شويدي.
طالبانو داسې حال کې د کندوز په چهاردرې ولسوالۍ برید کړی چې د دې ولسوالۍ سقوط په موخه د طالبانو دوه شپې وړاندې برید کې ۸ پولیس وژل شوي او ۱۲ نور ټپیان شويوو.
په ورته مهال بیا غور کې د طالبانو کمین کې د دې ولایت د پولیسو عملیاتي قطعې قوماندان او ۶ کسان وژل شويدي.
د غور د دولینې ولسوال طاهر افضلي وايي، پرون د امنیتي ځواکونو اکمالاتي کتار د شهرک او دولینې ولسوالۍ ترمنځ «کورابلیلا» سیمه کې د طالبانو له کمین سره مخ شوی چې په پایله کې یې د پولیسو د عملیاتي قطعې قوماندان فقیراحمد نوري، یو ملکي وګړی او ۵ پولیس وژل شويدي.
هغه وویل، د طالبانو کمین کې ۶ نور امنیتي ځواکونه ټپيان شوي هم دي او وسلهوال دې برید کې د امنیتي ځواکونو یو شمېر نقلیهوسایط هم سوځولي دي.
د دولینې ولسوال همدرنګه زیاته کړه، برید کې طالبانو ته هم تلفات اوښتې؛ خو شمېر یې نهدی معلوم.
هاخوا د غور والي ویاند عبدالحی خطیبي وايي، امنیتي ځواکونه د هماغه ځای اوردو ځای پر ځای کولو او د غور شپږو لویدیځو ولسوالیو ته د اکمالاتو لهپاره تللي وو چې د طالبانو کمین سره مخ شوي.
هغه دې برخه کې د جزییاتو له ورکولو ډډه کوي.
دا پهداسې حال کې ده چې وسلهوالو طالبانو پرون د «الفتح» په نامه پسرلني عملیات اعلان کړل او لهدې سره د هېواد په ډېرو سیمو کې د طالبانو او افغان امنیتي ځواکونو ترمنځ نښتې پیل شوېدي.
ورته مطالب:
کندوز او بغلان کې ۴۰ امنیتي ځواکونه وژل شوي
طالبان کندوز کې له پراختیايي پروژو باج اخلي
