د مالیې وزارت ویاند شمعروزخان مسجدي نن سلاموطندار ته وویل چی یاد وزارت په ملي بودیجه کې یو میلیارډ افغانۍ د ټاکنو لګښت لپاره په پام کې نیولې دي.
که څه هم د افغانستان نړیوالو ملاتړو مرستندویانو د ټاکنو د لګښت ورکولو ژمنه کړې، خو مسجدي وايي، که مرستندویان له خپلو ژمنو پر شا شول، ماليې وزارت به د لوړپوړیو چارواکیو په امر ورته چمتووالی ونیسي.
د مالیې وزارت د مسوولانو په وینا، د ټاکنو خپلواک کمېسیون تراوسه د ټاکنو لګښت په اړه خپله طرحه حکومت ته نهده سپارلې.
په همدی حال کی د ټاکنو خپلواک کمېسیون د ویاند مرستیال ذبېحالله سادات وایي، نړیوالو مرستندویانو تراوسه د ټاکنو د لګښت له ورکولو انکار نهدی کړی.
اړوند مطالب:
ولسمشريزې ټاکنې د میزان پر ۶مه نېټه کېږي
د ټاکنیزو شکایتونو کمېسیون اجراییوي بودیجه او کافي کارکوونکي نهلري
د سادات په وینا، د ټاکنو پر عملیاتي پلان او د بودیجې پر طرحه جدي کار روان دی او د مرستندویانو نظریات هم په پام کی نیول شوي دي.
نوموړی زیاتوي، د عملیاتی پلان او بودیجې سند له بشپړېدو وروسته به د لګښت ورکوونکی معلوم شي او په وینا یې، حکومت یې هم د ورکولو ژمنه کړې ده.
دا په داسې حال کې ده چې تر دې وړاندې داسې راپورونه خپاره شوي وو چې ځینې مرستندوی هېوادونه د ناڅرګندو لاملونو له مخې، د ټاکنو لګښت نه ورکوي.
بلهخوا حکومت د یادو اوازو په غبرګون کې ویلي چې د ټاکنو لګښت باید کم شي او حکومت چمتو دی چې له خپلې ملي بودیجې د ټاکنو لګښت ورکړي.
