افغان ولسمشر اشرف غني د ټاکنو قانون کې له بدلون وروسته د یو فرمان په صادرولو سره د ټاکنو او ټاکنیزو شکایتونو کمېسونونو مشران او غړي له دندو ګوښه کړي.
ویل کېږي چې د چارو د ځنډ او خنډ د نه مخنیوي لهپاره د دواړو کمېسونونو د دارالانشا مشران سرپرستان شويدي.
د ولسمشر فرمان کې راغلي چې د ټاکنو نوي قانون د ۱۳ مادې لهمخې، سیاسي ګوندونه او د ټاکنو اړوند مدني ټولنې د دې قانون د ۱۲ مادې شرایطو سره د برابرو کسانو اسناد د سلواغې له ۲۷ تر اوو ورځو ولسمشرۍ ماڼۍ ته لېږلی شي چې له هغو د ټاکنو کمېسونونو غړي او مشران وټاکل شي.
له بلې خوا د ولسمشر ویاند هارون چخانسوري رسنیو ته استولي غږيز کلېپ کې ویلي چې د ټاکنیزو کمېسیونونو غړي او مشران ولسمشر له دندو نهدي لرې کړي، بلکې د نوي قانون لهمخې لېرې شوي.
