غور ولایتی نینگ یشاوچیلری، مدنی فعاللری و ولایت کینگشی اعضالریدن بیرقطاری، اوشبو ولایتده 5 میگاواتلی قویاش برقی‌نینگ قوریلیش ایشی توخته‌تیلگنیدن خبر بیریشگن. اولرنینگ ایتیش‌لریچه، 7 آیدن بویان اوشبو پروژه نینگ قوریلیش ایشی نامعلوم دلیل‌لر باعث، توخته‌تیلگن.
غور ولایتی نینگ پوزلیچ برق توغانی نینگ قوریلیش ایشی هم 3 ییل آلدین دولت نینگ دقت سیزلیگی و شرطنامه باغله‌گن شرکت‌لرنینگ ایش‌سیزلیگی باعث، توخته‌تیلگن ایدی، بیراق اونینگ اورنیده دولت 5 میگاواتلی قویاش برقی‌نینگ ایشینی باشله‌دی.
غور ولایت کینگشی اعضاسی عبدالحمید ناطقی، مرکزی و محلی مسؤوللردن تنقید قیلیب ایتیشیچه، پوزلیچ برق توغانی نینگ قوریلیش ایشی قیته باشله‌نیشی و 5 میگاواتلی قویاش برقی‌نینگ عملی ایشی اوچون نیچه مرته دادخواهلیک قیلیشگن، بیراق مسؤوللرنینگ دقت‌سیزلیگی و شرطنامه باغله‌گن شرکت‌لرنینگ بهانه‌لری باعث، بو پروژه‌لرنی حاضرگچه باشلنمه‌گن.
شونینگدیک، غور ولایتی نینگ یشاوچیلری و مدنی فعاللری، مرکزی و محلی مسؤوللرنی 5 میگاواتلی قویاش برقی‌نینگ قوریلیش ایشی توغریسیده دقت‌سیزلیک و ایش‌سیزلیک‌که عیب‌لب ایتیش‌لریچه، فیروزکوه شهری نینگ شرقی‌ده اوشبو پروژه‌نی ایشی باشلنگنیدن نیچه آی اوتماقده، لیکن حاضرگه‌قدر بو بولیم‌ده بیر کیلیشمه کورینمه‌یدی.
اولرنینگ ایتیشیچه، اوشبو ولایتده 5 میگاواتلی قویاش برقی‌نینگ پروژه‌سی قوریلیشی توغریسیده دولت جدی شکلده دقت قیلمه‌گن صورتده، بو پروژه هم پوزلیچ برق توغانی نینگ تقدیری گه روپه‌ره بوله‌دی.
بیراق، غور حاکمی سوزلاوچیسی عبدالحی خطیبی نینگ ایتیشیچه، 5 میگاواتلی قویاش برقی‌نینگ پروژه‌سینی قوریلیش ایشی کیله‌جک ایکی آی‌گچه باشلنه‌دی و کیله‌جک قویاش ییل نینگ ثور آیی‌گچه فایده‌لنیش‌گه تاپشیریله‌دی.
غور یشاوچیلری و ولایت کینگشی اعضالری‌نینگ ایتیش‌لریچه، پوزلیچ برق توغانی نینگ قوریلیش ایشی قیته باشله‌نیشی و 5 میگاواتلی قویاش برقی‌نینگ عملی ایشی اوچون حاضرگه‌قدر نیچه مرته دادخواهلیک قیلیشگن، بیراق حاضرگچه بو توغریده دقت قیلینمه‌گن. اولرنینگ آگاه‌لنتیریشیچه، دولت بو ایستک‌لری گه دقت قیلگونگه‌قدر دادخواهلیک‌لری گه دوام بیریشه‌دی.
شو توغریده…
غور ولایتیده پوزلیچ برق توغانی‌نینگ قوریلیش ایشی توخته‌تیلگن
