بدخشان ولایتی راغستان تومن محلی مسئوللری نینگ ایتیشیچه، خونیلر قیشلاغیده تاغ سیلجیشی عاقبتیده ریگ یووهدیگن ایشخانه ایشلاوچیلریدن 5 تهسی هلاک و باشقه 5 تهسی یرهلنگن. اوشبو حادثه چهارشنبه کونی ایرتهلب ساعت 9:30 اطرافیده راغستان تومنی نینگ خالیچود منطقهسیده یوزبیرگن.
بدخشان حاکمی سوزلاوچیسی نیکمحمد نظری سلاموطندار بیلن صحبت اوتکزیب ایتیشیچه، مذکور ریگ یووهدیگن ایشخانه خونیلر قیشلاغیده قرار تاپگن ایکن. جناب نظری گه کوره، حاضرگچه مذکور ایشخانه نینگ 35 ایشلاوچیسی نی تقدیریدن بیللی خبر قولگه کیلمهگن.
جناب نظری نینگ کوپهیتیریشیچه، ریگ یووهدیگن ایشخانه قرار تاپگن منطقه طالبلرنینگ نظارتی گه دیر و شو یوزهدن یاردمچی کوچلر منطقهده کیته آلمهیدیلر.
بدخشان محلی مسئوللری نینگ ایتیشلریچه، ریگ یووهدیگن ایشخانه ایشلاوچیلری نینگ سانی بیلی بولمهگنی باعث هلاک بولگنلر و درکسیز یوقالگن کیشیلر رقمی اوزگریشی ممکن.
شو توغریده:
