گزارش تیارلش گه قصد قیلدیم، بیراق بو مرته فرقلی بولیشی کیرهک ایدی؛ بو مرته گزارش موضوعی 7 یاشیده بولگن باله دیر و بو باله کوندهلیک آتهسی تامانیدن کویدیریلگن.
فضلاحمدنینگ آتهسی هر کون اوغلینینگ ایسیق سیخ بیلن کویدیرگن. فضلاحمدنینگ وجودی و باش و یوزی بو یامان وضعیتنی اثباتلهیدی.
صحبت بیریشگه تیزلیککه حاضر بولمهیدی. بیراق سوز یوریتگن چاغیده ایتیشیچه: «آتم بو مرته مینینگ اولدیرهدی.»
فضلاحمد ییرتیق پالتو و ایسکی پانتلون کییگن و قولاغی و بغضیده کوییک علامتلر کورینردی.
فضلاحمدنینگ آتهسی هر کون اوغلی نینگ ایسیق پیچ و قیچی بیلن قیناققه سالر ایکن و بو ایشلرنی قیلیشده فضلاحمدنینگ سیسی و نالهسینی کیمسه ایشیتمهسی اوچون ایشیکنی یاپر ایکن.
بو باله آتهسی بیلن بولگن حیاتیدن اچیق حکایهلر قیلهدی. اونینگ ایتیشیچه، آنهسی ییللر آلدین آتهسینی ترک ایتگن و او بیر ایناغهسی و بیر سینگیلی بیلن بیرگه آتهسی نینگ یانیده قالگن.
فضلاحمدنینگ وجودیدن یریمی داغلنگن. اونینگ ایتیشیچه، وجودی ده بولگن هر بیر داغ کیچه-کوندوزلر اوستیدن اوتگن قیناقلردن حکایت قیلهدی.
اوشبو باله نینگ سلاموطندارگه ایتیشیچه، آتهسی هر کون اونی ترک ایتگن تورموش اورتاغی نینگ قصدینی اوغلیدن آلهدی. فضلاحمدنینگ ایتیشیچه، هر کیچه ییمک دسترخوانی اوستیده توپلنیش اورنی گه قیناققه سالینیشی اوچون آشپزخانه گه آلیب باریلگن.
فضلاحمد حاضر یالغیز و باشپناهسیز دیر. اونینگ ایتیشیچه، ینه آتهسی نینگ آلدی گه باریب و او بیلن یشش نی ایستمهیدی.
فاریاب پولیس قومندانلیگی نینگ جنایی آمرلیگینی بالهلر بولیمی آمری سیدفرید سادات نینگ ایتیشیچه، بو باله نینگ آتهسی یخشی وضعیتده بولمهگنی باعث، بو دوسیه تیکشیریلماقده.
فاریاب ولایتی بوییچه انسان حقوقی بالهلر بولیمی مسؤولی عزیزه یعقوبی نینگ ایتیشیچه، فاریاب ده دولتی یتیمخانه یوقلیگی باعث، بو باله اوچون هیچ بیر ایش قیله آلمهیدیلر، لیکن فضلاحمدنینگ باشقه ولایتلرنینگ یتیمخانهلریگه تانیشتیریش اوچون سعی و حرکت قیلیشهدی.
فضلاحمد یامان کیچگن تیریکچیلیگیدن حکایت قیلگن بیرچاغده، بوگون انسان حقوقی خلق ارا کونی دییلهدی؛ افغانستانده بوکوندن نشانلنگن بیرچاغده، انسان وضعیتی تأسفلی و دردلی دیر.
