نظامالدین قیصاری نینگ قولگه آلیش اوچون امنیتی کوچلر آرقهلی یولگه قوییلگن عملیات آقیمیده قولگه آلینگن کیشیلرنینگ عایله اعضالریدن قطاری، اولرنینگ قوییب یوباریلیشی نی سورهگن.
فاریاب ولایتی قیصار تومن سابق قومندانی نظامالدین قیصاری نینگ اویی مزار شریف شهریده امنیتی کوچلر آرقهلی هجوم آستیده آلیندی کیم بو هجوم جریانیده جناب قیصاری نینگ آدملریدن کمیده 35 تهسی اوشلب آلیندی، کیم اولر حاضرگچه قوییب یوباریلمهگن.
قولگه آلینگن کیشیلر اقاربلریدن قطاری نینگ ایتیشیچه، اقاربلری جناب قیصاری بیلن صحبت اوتکزیش اوچون اونینگ اوییده بارگن ایکن، بیراق امنیتی کوچلر آرقلی قولگه آلینگن.
قولگه آلینگن کیشیلرنینگ اقاربلریدن بیری عنایتالله بیک نینگ سلام وطندارگه ایتیشیچه، قولگه آلینگن کیشیلردن کوپنیچهسی بیلیم یورت اوقووچیلری دیر.
شو توغریده:
- نمایندهلر کینگشی: قیصاری قولگه آلینیشی اوچون اویوشتیریلگن عملیات ناقانونی دیر
قیصاری قولگه آلینیش عملیاتده ناقانونی قوراللیلر اشتراک قیلگن؛ خلق مالی تالان قیلینگن
قیصاری، جنرال دوستم نینگ حمایتی دن سونگ، جوزجان گه انتقال بیریلدی
جناب قیصاری نینگ اویی اوستیگه اویوشتیریلگن عملیاتده هلاک ایتیلگن کیشیلردن بیری نینگ عایله اعضاسی حبیبالله نینگ ایتیشیچه، اقاربلری هردایم طالب و داعش گروهی گه قرشی اوروشگنلری باعث امنیتی کوچلر آرقلی هلاک ایتیلگن.
سلام وطندارگه صحبت بیرگن بلخ پولیس قومندانلیگی سوزلاوچیسی عادل شاه عادل نینگ ایتیشیچه، بو قضیه نی تیکشیریش اوچون بیر هیأت تعیین ایتیلگن و گناهسیز بولگن کیشیلر تیزلیکده قوییب یوباریلهدی.
اوتگن هفته نظامالدین قیصاری نینگ قولگه آلیش اوچون امنیتی کوچلر آرقلی مزار شریف شهریده بیر عملیات یولگه قوییلدی، بیراق قیصاری اوییدن چیقیب قاچیش گه موفق بولدی. مذکور عملیاتده جناب قیصاری نینگ آدملریدن 8 تهسی هلاک و 30 دن آرتیغی قولگه آلینگن.
شو توغریده:
