افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما دفتری نینگ سیلاو ایرکین کمیسیون اعضاسی مولانامحمد عبدالله سیلاو کمیسیونی نینگ دیتابس بولیمی مسؤولی نی اولیم گه تهدید قیلیب و اهانت قیلیش گه عیب‌لنگن نامه اجتماعی ترماقلرده چیققنیدن سونگ، اجتماعی ترماقلرنی ایشلاوچیلریدن بیرقطاری یونامانینگ فیسبوک صحیفه‌سی و توییتریده توشونچه‌لرینی بیلدیریب اعتراض قیلیشگن.
اجتماعی ترماقلرنی ایشلاوچیلری، افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی‌دن سیلاو مسئله‌سی و شونینگدیک، افغانستان نینگ بحرانلی شرایطی‌نی سیزیب طرفسیز قالیشی‌نی سوره‌شگن. ایشلاوچی‌لرنینگ ادعا قیلیشیچه، یوناما اولرنینگ توشونچه‌لری اجتماعی ترماقلردن اوچیرگن.
توییتر ایشلاوچیلریدن بیری حسیب معترف نینگ سلام‌وطندارگه ایتیشیچه، توییتیده هیچ‌قنده‌ی اهانت قیلینمه‌گن، بلکیم یونامادن افغانستان نینگ وضعیتی نی سیزیب طرفسیز قالیشی‌نی طلب قیلگن.
اونگه کوره، افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما دفتری نینگ ایشلاوچیلری، او توشونچه‌سینی بیلدیرگنی باعث، یونامانینگ توییتریدن بلاک قیلگن.
فیسبوک ایشلاوچیلریدن بیری رضا نوری نینگ ایتیشیچه، انسان حقوقی سوز ایرکین‌لیگی‌دن حمایت قیلووچی بیرلشگن ملت‌لر تشکیلاتیدن سانسور قیلیشنی کوتمس ایدی و بیرلشگن ملت‌لر تشکیلاتی نینگ بو ایشی سوراق توغدیرگن.
شونینگدیک، خبرچیلردن بیرقطاری، توشونچه‌لری افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما دفتری تامانیدن اوچیریلگنی گه عکس‌العمل بیلدیریشگن.
افغانستان خبرچیلریدن بیری هارون نجفی‌زاده نینگ توییتر صحیفه‌سیده یازیشیچه، بیرلشگن ملت‌لر تشکیلاتی افغانستانده سوز ایرکین‌لیگی نینگ تمل تاشینی قویگن و حاضر اوزی سوز ایرکین‌لیگی‌نی تاشله‌یدی.
خبرچیلردن باشقه بیری ضیا شهریارنینگ اوز توییتر صحیفه‌سیده یازیشیچه، یوناما اونینگ توییتریدن بلاک قیلگن.
بوگون «شنبه» کابل‌ده خبری ییغین اوتکزگن سیلاو ایرکین کمیسیون اعضاسی مولانا عبدالله نینگ ایتیشیچه، افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما دفتری تامانیدن سانسور قیلیش افغانستان قانونلری و انسان حقوقی اعلامیه‌سیگه قرشی دیر.
بیراق، افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما دفتری، افغانستان یشاوچیلری نینگ اعتراضی گه عکس‌العمل اوز فیسبوک صحیفه‌سیده اجتماعی ترماقلرنی ایشلاوچیلریدن اهانت و نفرت دن اوزاق سوز ایرکین‌لیگی‌دن مدافعه قیلیش‌لرینی سوره‌گن.
